Verskeie oefenwedstryde sal in die volgende paar dae plaasvind voordat die 2017-kompetisie oor twee weke afskop.
Die eerste wedstryd is op 23 Februarie tussen die Rebels en die Blues.
Op die 24ste speel die Sharks weg teen die Reds, terwyl die Cheetahs op die 25ste teen die Lions speel. Die Kings pak die Jaguars en die Stormers die Bulls.
Sesnasiesrugby
Komende naweek se aksie lyk so:
11 Italië v Ierland Stadio Olimpico 16:25
11 Wallis v Engeland Principality Stadium 18:50
12 Frankryk v Skotland Stade de France 17:00
Krieket
Die Proteas en Sri Lanka pak mekaar môre in Centurion in hul vyfde en laaste eendagkragmeting van die reeks. Die wedstryd begin om 13:30. SA loop 4-0 voor in die reeks.
Intussen het Krieket SA aangekondig dat dieselfde groep van 14 spelers behou word vir die komende T20- en eendagwedstryde teen Nieu-Seeland. Dane Paterson is bygevoeg by die groep om in te staan vir Dwaine Pretorius wie se vrou hul eersteling verwag.
Toetskrieket
In Hyderabad speel Indië teen Bangladesj in ʼn enkeltoets wat vandag begin.
Sunfoil-krieketreeks
Drie wedstryde skop vanoggend af:
Dolphins v Cape Cobras, Kingsmead, Durban 09:00
Highveld Lions v Knights, Wanderers, Johannesburg 10:00
Titans v Warriors, Willowmoore, Benoni 10:00
Vrouekrieket
SA se vroue het gister ʼn 6 paaltjie-oorwinning oor Skotland behaal in die IKR se kwalifiseringstoernooi vir die Wêreldbeker. SA is nou onoorwonne in groep B.
Gholf
In Europa het die Maybank-kampioenskap vanoggend in Maleisië begin. Charl Schartzel speel vir die eerste keer in ʼn lang tyd en baie oë sal op hom gerig wees om te sien hoe hy vaar. Charl is saam met Lee Westwood gegroepeer.
Jaco Ahlers en Thomas Aiken is deel van ʼn groot klomp Suid-Afrikaners wat in aksie is.
Onder die vroeë voorlopers was:
1 Marc Warren -6 9 -6
2 Arie Irawan -5 10 -5
3 Phachara Khongwatmai -4 9 -4
4 Hennie Otto -3 8 -3
In die VSA slaan die spelers later vandag af in die AT&T Pebble Beach Pro-Am in Kalifornië. Tyrone van Aswegen en Rory Sabbatini sal Suid-Afrika verteenwoordig.
Die Kaapstad Vroue Ope se tweede ronde is gister by die Royal Cape Gholfklub gespeel.
Die baansyfer is 74 en die tellings lyk so:
139 – Ashleigh Buhai 71 68 – dit is 9 houe onder die baansyfer
142 – Lee-Anne Pace 74 68
145 – Tandi von Ruben 73 72, Stacy Bregman 72 73
146 – Carrie Park (KOR) 75 71
147 – Bonita Bredenhann (NAM) 74 73, Hannah Arnold (VSA) 73 74
Tennis
ʼn Top internasionale toernooi is deur die Internasionale Tennisfederasie aan Suid-Afrika toegeken. Die 2017 Jong Seniors se Wêreldspan- en Enkelkampioenskap sal van 19 Maart tot 1 April in Kaapstad aangebied word.
Sokker
In die plaaslike Premierliga is vier wedstryde gisteraand gespeel:
SuperSport United 5-2 Golden Arrows
Polokwane City 1-1 Maritzburg United
Bloemfontein Celtic 0-1 Mamelodi Sundowns
Platinum Stars 0-0 Orlando Pirates
In die Engelse FA-beker is een wedstryd gisteraand afgehandel:
Leicester City 3-1 Derby County