Vandag se sportnuus

Krieket

• Die derde dag van die tweede toets tussen Suid-Afrika en Indië is gister op Supersport Park in Centurion voltooi. Spel is vroeg gestaak ná reën en swak lig. Die kolwers moes hard spook vir lopies.

Teen uitskeityd op was die Proteas op 90/2 wat aan hulle ʼn voorsprong van 118 lopies gee. Dean Elgar met 36 en AB de Villiers met 50 sal vandag voortkolf.

Suid-Afrika 335 en 90/2
Indië 307

• Nieu-Seeland en Pakistan speel vandag in hul vierde Eendagwedstryd teen mekaar. Die Swartpette het die eerste drie wedstryde gewen.

• Intussen sal Suid-Afrika môre in hul tweede wedstryd by die 19 Wêreldbeker in aksie wees. Die jong Proteas kom teen die Windies te staan.

• In die Momentum Eendagreeks lyk die jongste punteleer só:

 Tennis

• Die Australiese Ope het gister afgeskop. Die wêreld se voorste manspeler, Rafael Nadal, het maklik na die tweede ronde deurgedring. Nadal, wat dié toernooi nog net een keer gewen het, het Victor Estrella Burgos met 6-1, 6-1 en 6-1 geklop. Suid-Afrika se Kevin Anderson se toernooi het op die eerste dag geëindig. Kyle Edmund (GBR) het die 11de gekeurde Anderson met 6-7, 6-3, 3-6, 6-3 en 6-3 geklop.

Die derde gekeurde Grigor Dimitrov en die Aussie Nick Kyrgios het hul eerste ronde wedstryde gewen. Die agste gekeurde Jack Sock is egter een van tien Amerikaanse spelers wat op die eerste dag uitgeskakel is.

In die Vroue-afdeling was daar oorwinnings vir die tweede gekeurde Caroline Wozniacki en die vierde gekeurde Elina Svitolina. Van die gekeurdes wat uitgeskakel is, sluit in die vyfde gekeurde Venus Williams.

 Motorwedrenne

Die 2018 Dakar-tydren se laaste week het gister aangebreek. Die negende skof is egter gekanselleer as gevolg van slegte weer.

Algheel in die motorafdeling:

1. C Sainz, Peugeot 27:04:00
   2. N Al-Attiyah, Toyota +1:06:37
   3. S Peterhansel, Peugeot +1:13:42
   4. B Ten Brinke, Toyota +1:23:00
   5. G de Villiers, Toyota +1:37:09

Algeheel in die Motorfietsafdeling:

1. A Van Beveren, Yamaha 27:22:03
2. K Benavides, Honda +22
3. M Walkner, KTM +6:34
4. T Price, KTM +7:35
5. J Barreda Bort, Honda +8:01

 Gholf

• Ná die SA Ope .is Branden Grace nou 28ste op die wêreldranglys. 

 Rugby

• In die Pro-14 kompetisie is die Cheetahs steeds derde in Konferensie A.

Konferensie A

Konferensie B

Sokker

• In die Plaaslike Premier-liga is Mamelodi Sundowns steeds die voorlopers op die punteleer.