Die Spar Protea-netbalspan het gister teen Engeland in die vierhoekige reeks in die Standard Bank Arena in Johannesburg gespeel. Engeland het die wedstryd met 52-47 gewen. In die ander wedstryd het Australië met 67-48 koning gekraai oor Nieu-Seeland.
Sewesrugby
Die Sydney-been van die Wêreldreeks is gister afgehandel en Suid-Afrika is nou voor op die punteleer. Die Blitsbokke het in die groepfase met Papoea-Nieu-Guinee, Spanje en Engeland afgereken. In die kwarteind het ons met Kenia klaargespeel en in die halfeind met die VSA.
Suid-Afrika het egter in die eindstryd ʼn loesing op die lyf geloop toe die gasheerland, Australië, hulle met 29-0 geklop het.
Argentinië het derde geëindig met die VSA vierde en die All Blacks vyfde.
Die vroue se kompetisie is ook deur Australië gewen nadat hulle Nieu-Seeland in die eindstryd kafgedraf het.
Tennis
- Die eerste Grand Slam van die jaar is afgehandel. Die enkelspel-kampioene by die Australiese Ope is Roger Federer en Caroline Wozniacki.
In die Mansafdeling het (1) Roger Federer sy 6de Australiese Ope-titel en sy 20ste Grand Slam-titel van sy loopbaan verower. Federer het vir (6) Marin Čilić in vyf stelle geklop. Die telling was 6-2, 6-7 (5/7), 6-3, 3-6 en 6-1.
In die Vroue-afdeling het (2) Caroline Wozniacki weer die eerste plek op die wêreldranglys ingeneem ná haar oorwinning van 7-6, 3-6 en 6-4 oor (1) Simona Halep.
Krieket
- Die derde en laaste toets tussen Suid-Afrika en Indië het rampspoedig vir die Proteas op die Wanderers geëindig. Suid-Afrika moes 241 lopies vir ʼn oorwinning aanteken en was goed op pad om dit te doen voordat ʼn kolf-ineenstorting sake belemmer het. AB de Villiers, Faf du Plessis en Quinton de Kock het weer misluk met die kolf. Die Proteas het hul laaste 8 paaltjies vir net 53 lopies verloor en was almal uit vir 177. Dit gee aan Indië ʼn oorwinning van 63 lopies. Die Proteas wen daarmee die reeks met 2-1.
- Australië en Engeland het gister voor 53 781 toeskouers in hul vyfde Eendagwedstryd in Perth kragte gemeet.
Engeland 259 (47.4/50 bb)
Australië 247 (48.2/50 bb)
Engeland wen met 12 lopies en verower die reeks met 4-1.
- Bangladesj en Sri Lanka het in Mirpur in die Eendag-eindstryd van die driehoekige reeks kragte gemeet.
Sri Lanka 221 (50 bb)
Bangladesj 142 (41.1/50 bb)
Sri Lanka wen met 79 lopies
- Nieu-Seeland en Pakistan het mekaar in hul derde en laaste T20-wedstryd in Auckland gepak.
Pakistan 181/6 (20 bb)
Nieu-Seeland 163/6 (20 bb)
Pakistan wen met 18 lopies en die reeks met 2-1.
- In die Momentum-eendagreeks is die naweek drie wedstryde gespeel.
Potchefstroom
Lions 299/8 (50 bb)
Knights 161 (36.3/50 bb)
Lions wen met 138 lopies.
Centurion
Titans 269/6 (48.2 bb)
Dolphins 253/6 (38.1/40 ov, teiken: 253)
Dolphins wen met 4 paaltjies met 11 balle oor (D/L-metode).
Port Elizabeth
Warriors 264/7 (50 bb)
Cape Cobras 249/7 (46.5 bb, teiken: 240)
Cape Cobras wen met 10 lopies (D/L-metode).
Gholf
- In die Europese reeks is die Omega Dubai Desert Classic afgehandel.
Pos | Speler | Tel | Put | Dag | Rnd1 | Rnd2 | Rnd3 | Rnd4 | Tot |
1 | Haotong Li | -23 | F | -3 | 66 | 66 | 64 | 69 | 265 |
2 | Rory Mcilroy | -22 | F | -3 | 65 | 64 | 68 | 69 | 266 |
3 | Tyrrell Hatton | -20 | F | -6 | 64 | 72 | 66 | 66 | 268 |
4 | Alexander Levy | -19 | F | -2 | 67 | 67 | 65 | 70 | 269 |
5 | Chris Paisley | -17 | F | -3 | 65 | 69 | 68 | 69 | 271 |
6 | Dylan Frittelli | -16 | F | -2 | 69 | 67 | 66 | 70 | 272 |
19 | Haydn Porteous | -15 | F | +2 | 66 | 68 | 65 | 74 | 273 |
22 | Dean Burmester | -14 | F | -3 | 67 | 69 | 69 | 69 | 274 |
- In die VSA is die Farmers Insurance Ope in Kalifornië voltooi. Drie spelers het op -10 klaargemaak. Jason Day, Alex Noren en Ryan Palmer sal vandag sake in ʼn valbylstryd uitspook om die wenner te bepaal. Retief Goosen was op -5. Tiger Woods het met -3 onder die voorste 30 spelers geëindig.
Atletiek
- Die atletiek-ikoon en naelloop-ster, Usain Bolt, is vandag by die Ruimsig-atletiekbaan om jong atlete te inspireer tot beter prestasies. Verskeie byeenkomste sal in die volgende paar weke gehou word ter bevordering van atletiek in Suid-Afrika.
Sokker
- In die Plaaslike Premierliga het albei wedstryde gister gelykop geëindig.
Bloemfontein Celtic 1-1 Cape Town City FC
Golden Arrows 2-2 Baroka FC
- Twee wedstryde is gister in die FA-beker
Cardiff City 0-2 Manchester City
Chelsea 3-0 Newcastle United