- By die Indian Wells-toernooi in Kalifornië is die tweede gekeurde Marin Čilić asook die vyfde gekeurde Dominic Thiem uitgeskakel. Die eerste gekeurde Roger Federer en die sewende gekeurde Kevin Anderson is vandag in aksie.
In die vroueafdeling het die eerste gekeurde Simona Halep na die kwarteind deurgedring.
Atletiek
- Die Suid-Afrikaanse Senior Atletiekkampioenskappe begin môre op die bane van Tukkies in Pretoria. Die byeenkoms strek oor drie dae en die room van ons atlete sal in aksie wees. Die byeenkoms dien ook as goeie voorbereiding vir die Statebondspele wat vroeg in April in Australië plaasvind.
Rugby
- Sewesrugby
Die Blitsbokke sal by die sewende been van die Wêreldreeks, wat aan die begin van April in Hongkong plaasvind, met ʼn erg verswakte span en nuwe afrigter speel. Suid-Afrika se afrigter en voorste spelers sal by die Statebondspele in aksie wees. Marius Schoeman sal die “B”-span in Hongkong brei terwyl die top-spelers saam met Neil Powell in Australië sal wees.
- Sesnasies
Die laaste ronde van die reeks word komende naweek gespeel. Ierland is in ʼn onaanvegbare posisie en sal Saterdag as die kampioenspan vir 2018 gekroon word.
17 | Italië | v | Skotland | Stadio Olimpico | 14:30 |
17 | Engeland | v | Ierland | Twickenham | 16:45 |
17 | Wallis | v | Frankryk | Principality Stadion | 19:00 |
- Superrugby
Sewe wedstryde word komende naweek gespeel.
16 | Chiefs | v | Bulls | FMG Stadion Waikato | 08:35 |
17 | Highlanders | v | Crusaders | Forsyth Barr Stadion | 08:35 |
17 | Brumbies | v | Sharks | GIO Stadion | 10:45 |
17 | Stormers | v | Blues | DHL Newlands | 15:05 |
17 | Lions | v | Sunwolves | Emirates Airlines Park | 17:15 |
17 | Jaguares | v | Reds | Estadio Jose Amalfitani | 23:40 |
18 | Waratahs | v | Rebels | Allianz Stadion | 07:05 |
- Varsitybeker
Op die jongste punteleer is Maties steeds die voorlopers.
Pos | Span | G | W | Ge | V | Pv | Pt | Pver | Pte |
1 | FNB Maties | 7 | 6 | 1 | 0 | 268 | 96 | 172 | 31 |
2 | FNB NWU | 6 | 5 | 0 | 1 | 238 | 92 | 146 | 25 |
3 | FNB Wits | 7 | 4 | 1 | 2 | 210 | 195 | 15 | 23 |
4 | FNB UJ | 6 | 4 | 0 | 2 | 213 | 107 | 106 | 21 |
5 | FNB Ikeys | 6 | 3 | 0 | 3 | 135 | 140 | -5 | 15 |
6 | FNB Shimlas | 6 | 3 | 0 | 3 | 149 | 231 | -82 | 14 |
7 | FNB UP Tuks | 6 | 1 | 0 | 5 | 145 | 157 | -12 | 7 |
8 | FNB CUT | 6 | 1 | 0 | 5 | 122 | 336 | -214 | 6 |
9 | FNB Madibaz | 6 | 0 | 0 | 6 | 96 | 222 | -126 | 3 |
Krieket
- Kagiso Rabada is weer die voorste toetsbouler in die wêreld ná sy vertoning in Port Elizabeth. Rabada het 11 paaltjies in die wedstryd geneem. Hy sal nie in die twee oorblywende toetse speel nie omdat hy geskors is nadat hy die gedragskode oortree het. Daar is drie Aussies in die top 10-boulers.
1 Kagiso Rabada (SA) 902
5 Josh Hazlewood (Aus) 796
8 Vernon Philander (SA) 776
9 Mitchell Starc (Aus) 772
10 Nathan Lyon (Aus) 753
Op die ranglys vir kolwers is Steve Smith eerste.
1 Steve Smith (Aus) 943
5 David Warner (Aus) 831
7 AB de Villiers (SA) 778
9 Hashim Amla (SA) 748
- Die vyfde T20-wedstryd in die driehoekige reeks in Colombo word vandag gespeel wanneer Bangladesj en Indië mekaar pak.
- Drie wedstryde in die Sunfoil-meerdagreeks begin môre.
15 | Cape Cobras | v | Titans | Paarl | 10:00 |
15 | Warriors | v | Knights | Oos-Londen | 10:00 |
15 | Highveld Lions | v | Dolphins | Johannesburg | 10:00 |
Gholf
- Ernie Els en Tiger Woods is aangewys as die twee kapteins vir die Presidentsbeker-kompetisie van 2019. Els neem by Nick Price oor wat die internasionale span die afgelope drie keer gelei het.
Sokker
- In die Uefa Kampioene-liga is twee wedstryde gister gespeel. Man United is uit die kompetisie ná ʼn nederlaag van 1- 2 teen Sevilla. In die ander wedstryd het Roma met 1-0 oor Shakhtar Donetsk geseëvier.
Vanaand word nog twee wedstryde gespeel.
Beşiktaş v Bayern München 19:00
Barcelona v Chelsea 21:45
- Daar is 14 veranderinge aan Bafana-Bafana se span aangebring wat aanstaande week aan die Viernasies-toernooi gaan deelneem. Die ander lande is Zambië, Angola en Zimbabwe.