Krieket
- Die eerste aflewering van vanjaar se Wêreldbekertoernooi in Engeland word Vrydag afgestuur, wanneer Suid-Afrika die gasheerland in die openingswedstryd aanvat.
Goeie nuus vir Protea-ondersteuners is dat Hashim Amla gister sy tweede agtereenvolgende vyftigtal in die opwarmingswedstryde geslaan het. Die kragmeting teen Wes-Indië het weliswaar uitgereën, maar Amla (51*) het ’n goeie openingsvennootskap van 95 lopies saam met Quinton de Kock (37*) geslaan.
Die wedstryd is ná 12.4 boulbeurte gestop.
- In ander opwarmingswedstryde het Afghanistan vir Pakistan met drie paaltjies geklop; Australië het die gunstelingspan, Engeland, met 12 lopies getroef, terwyl Nieu-Seeland vir Indië met ses paaltjies ore aangesit het.
Tennis
- Die Franse Ope het vir sy eerste opskudding op Roland Garros gesorg, toe die vyfde gekeurde Angelique Kerber deur Anastasia Potapova uitgeskakel is. Roger Federer het sy terugkeer tot Frankryk met ’n gemaklike sege oor Italië se Lorenzo Sanego gevier.
Van Dag Een se uitslae:
Anastasia Potapova 6-4 en 6-2 teen Angelique Kerber
Elino Svitolina 6-3 en 6-3 teen Venus Williams
Roger Federer 6-2, 6-4 en 6-4 teen Lorenzo Sanego
Sloane Stephens 6-3 en 7-6 teen Misaki Doi
Kei Nishikori 6-2, 6-3 en 6-4 Quentin Halys
Karolina Pliskova 6-2 en 6-3 Madison Brengle
Stefanos Tsitsipas 6-2, 6-2 en 7-6 teen Maximilian Marterer
Rugby
- In die SuperSport Uitdaagreeks rook die Pumas die pyp in die Noordelike Afdeling van die kompetisie. Jimmy Stonehouse se troepe het juis die afgelope naweek met die Griekwas klaargespeel. Die telling was 37-28 in die Pumas se guns.
- In die komende naweek se Superrugbywedstryde is die Bulls en Sharks teen oorsese spanne in aksie, terwyl die Lions die Stormers in die plaaslike derby pak.
Bepalings:
Vrydag:
Bulls teen Blues (09:35)
Saterdag:
Sharks teen Hurricanes (15:05)
Lions teen Stormers (17:15)
Is die eerste wedstryd nie dalk Donderdag nie?