Mthobisi Mozolo en sy spanmaat, Mxolisi Zondi. Foto: ANA.
Velddraf (trail running):
- Een van Suid-Afrika se velddraf-sterre, Mthobisi Mzolo, is vandeesweek uit die hospitaal ontslaan ná hy vir drie maande in die hospitaal was nadat hy deur ’n swartmamba gepik is.
Mzolo het in die Februarie die Eston Trail Run gewen, maar is die volgende dag deur die mamba gepik terwyl hy sy oom se beeste opgepas het.
Tennis:
- Roger Federer het na die volgende ronde van die Franse Ope deurgedring toe hy vir Oscar Otte geklop het.
Roger Federer 6 – 4, 6 – 3 en 6 – 4 teen Oscar Otte
Stan Wawrinka 6 – 1, 6 – 4 en 6 – 0 teen Christian Garin
Kei Nishikori 4 – 6, 6 – 4, 6 – 4 en 6 – 4 teen Jo-Wilfried Tsonga
Stefanos Tsitsipas 4 – 6, 6 – 0, 6 – 3 en 7 – 5 teen Hugo Dellien
Johanna Konta 6 – 3, 1 – 6, en 6 – 3 teen Louisa Davis
Sloane Stephens 6 – 1 en 7 – 6 teen Sara Sorribes Tormo
Krieket:
- Daar word vandag ’n groen blad op die Oval verwag vir die openingswedstryd van die 2019‑Krieketwêreldbeker tussen Suid-Afrika en Engeland.
Die Britte se kaptein, Eoin Morgan, het aangedui dat sy span sonder enige beserings is en hulle het hul span reeds ’n dag vooraf aangekondig. Daarteenoor sukkel die Proteas om ’n geskikte plaasvervanger vir Dale Steyn te kry.
Die eerste aflewering word vanoggend om 11:30 afgestuur en die kragmeting word op SABC en SuperSport uitgesaai.
Engeland: Jason Roy, Jonny Bairstow, Joe Root, Eoin Morgan (kaptein), Jos Buttler (paaltjiewagter), Ben Stokes, Moeen Ali, Chris Woakes, Adil Rashid, Jofra Archer, Liam Plunkett/Mark Wood.
