Tennis:
- Die verdedigende Amerikaanse Ope-kampioen, Novak Djokovic, het gister weens ’n skouerbesering aan die toernooi onttrek.
- Die 32-jarige Djokovic kon gister net twee stelle teen Stan Wawrinka speel voordat hy die handdoek ingegooi het.
- Die telling was toe 6 – 4, 7 – 5 en 2 – 1 in Wawrinka se guns.
- Intussen het Roger Federer maklik na die kwarteindstryd deurgedring toe hy vir David Goffin 6 – 2, 6 – 2 en 6 – 0 gewen het.
Marathon:
- Suid-Afrika se manspan het die goue medalje by die 50 km-Wêreldkampioenskap in Roemenië gewen.
- Lungile Gongqa het die silwer medalje met sy tyd van 2:45:26 uur gewen, terwyl Edward Mothibi (2:49:49 uur) en Bongmus Mthembu (2:50:23 uur) onderskeidelik vyfde en sesde klaargemaak het.
- Hul goeie vertonings het gesorg dat die span algeheel eerste was.
- Onder die Suid-Afrikaanse vrouens het Yolande Maclean die beste gevaar en 17de in ’n tyd van 3:28:47 uur geëindig. Die vrouespan het die kampioenskap in die algehele vyfde plek afgesluit.
Rugby:
- Alle paaie lei die naweek na Bloemfontein wanneer die Vrystaat Cheetahs die Goue Leeus in die Curriebeker-eindstryd pak.
- Die Vrystaters het die Haaie met 51 – 30 oordonder, terwyl die Leeus 34 – 19 teen Griekwas baas was.
- Intussen is dit bevestig dat Griekwas-breier, Brent Janse van Rensburg, vir Sean Everitt sal help om die Haaie af te rig.
- Die 39-jarige Janse van Rensburg sal die Durbaniete se voorspelers afrig.