Vandag se sportnuus

Gholf

Die eerste Major van die jaar, die Amerikaanse Meesters, begin môre op Augusta. Dié toernooi word soos gebruiklik voorafgegaan deur die Syfer 3-kompetisie wat vandag gespeel word. Die drie Suid-Afrikaners wat die groen baadjie al kon aantrek, is Charl Schwartzel (2011), Trevor Immelman (2008) en Gary Player (1961, 1974 en 1978). Die wêreld se voorste speler, Dustin Johnson, sal in die eerste ronde saam met Bubba Watson en Jimmy Walker speel.

Swem

By die Nasionale Swemkampioenskap in Durban het Cameron van der Burgh op dag een in die 100m-borsslag vir FINA se Wêreldkampioenskap gekwalifiseer. Chad le Clos het vir die 4x100m-aflos gekwalifiseer.

Van gister se kwalifiseringsuitslae lyk só:

Cameron van der Burgh    100m-borsslag            59.73

Myles Brown              200m-vryslag             1:47.51

Atletiek

Die Suid-Afrikaanse Senior Atletiek-kampioenskap word op 21 en 22 April op Potchefstroom aangebied. Die fokus gaan veral op die 100m vir mans wees, waar daar reeds vier atlete is wat in die afgelope paar maande ’n tyd van onder 10 sekondes aangeteken het. Name soos Akani Simbine, Henrico Bruintjies, Wayde Van Niekerk en die nuweling Thando Roto sal hul staal toon.

Olimpiese Spele

Los Angeles en Parys het gister beide hul bod as kandidate vir die 2024-spele aan die Internasionale Sportfederasie oorhandig.

Sewesrugby

Die sewende toernooi in die Wêreldreeks word die naweek in Hongkong gespeel. Op die jongste punteleer is die Blitsbokke gemaklik voor.

 

Varsityrugby

Ná Maandagaand se halfeindwedstryde is die tafel gedek vir die eindstryd wat op 17 April gespeel word. Tukkies sal op hul tuisveld in Pretoria teen die Maties uitdraf. Die wedstryd begin om 19:00.

Tennis

Die naweek val die kollig op die Davisbekerreeks. Suid-Afrika speel teen Slowenië in hul Euro/Afrika Groep 2-kragmeting. Die aksie begin Vrydag by die Irene Buiteklub in Pretoria en duur tot Sondag. Die wenner sal in September die geleentheid kry om vir promosie na Groep 1 te vorder.

Motorwedrenne

Die tweede ronde van beide die Formule Een-reeks asook die MOTO GP-reeks word die naweek gejaag. Die Formule Een-aksie is in China terwyl die Moto GP-jaers sake in Argentinië sal uitspook.

T20-krieket

Bangladesj en Sri Lanka het gister kragte gemeet in die eerste van twee wedstryde.

Bangladesj    155/6 (20 bb)

Sri Lanka       158/4 (18.5/20 bb)

Sri Lanka wen met 6 paaltjies met 7 balle oor.

Intussen het die Suid-Afrikaanse snelbouler Marchant de Lange ’n driejaar-kontrak met die Britse klub Glamorgan geteken. De Lange is 26 jaar oud.

Sokker

In die Nedbankbeker is daar gisteraand drie wedstryde gespeel.

Baroka FC              0 – 1    Platinum Stars

KwaDukuza United 0 – 2    SuperSport United

Jomo Cosmos          1 – 1    Bidvest Wits

Kom ons loer na die plaaslike Premierliga se punteleer:

Vanaand speel Mamelodi Sundowns teen Bloemfontein Celtic om 19:30.

In die Engelse Premierliga is vier wedstryde gisteraand gespeel:

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.