Rugby:
- Die Engelsman, Wayne Barnes, sal Sondag die fluitjie blaas wanneer die Springbokke teen Japan in die kwarteindstryd van die Wêreldbeker-rugbytoernooi in Tokio speel.
- Intussen sal Suid-Afrika se Jaco Peyper in beheer wees van die kwarteindstryd tussen Frankryk en Wallis. Sy landgenoot, Marius Jonker, is die televisie-skeidsregter vir die wedstryd.
Dit sal Peyper se 50ste internasionale toetswedstryd wees.
- Dan behoort Bok-spelers soos Cheslin Kolbe en Herschel Jantjies gereed te wees vir die belangrike uitspeelstryd.
Krieket:
- Van die wêreld se krieketlegendes, onder wie die Proteas se Jacques Kallis, sal deel wees van ’n T20-reeks in Indië.
Dié vertoonwedstryde sal dien as ’n bewusmakingsveldtog oor padveiligheid en die wedstryde sal in Februarie 2020 gespeel word.
Van die ander krieketlegendes wat hul deelname bevestig het, is Sachin Tendulkar, Brett Lee, Shivnarine Chanderpaul, Brian Lara en Muttiah Muralitharan.
Netbal:
- Die Afrika-netbalbeker begin Vrydag in Kaapstad.
Die Proteas se eerste wedstryd is op die openingsdag om 18:00 teen Malawi.
Die Protea-span: Bongiwe Msomi (kaptein), Sigrid Burger, Khanyisa Chawane, Rome Dreyer, Precious Mthembu, Izette Griesel, Lenize Potgieter, Lefebre Rademan, Monique Reynecke, Renske Stoltz, Zanele Vimbela en Shadine van der Merwe.
Ek hoop die T20 reeks word op televisie uitgesaai. Dit sal lekker wees om weer die ou helde in aksie te sien, al is die litte seker al ‘n bietjie stram.