Vandag se sportnuus

Handré Pollard het dié foto van homself op sosiale media gelaai. Foto: Instagram.

Rugby:

  • Die Springbok-generaal, Handré Pollard, is in die hospitaal opgeneem nadat hy sy wangbeen in die Wêreldbeker-eindstryd teen Engeland gebreek het.

Die 25-jarige losskakel het die meeste punte (69) by vanjaar se Wêreldbekerrugbytoernooi in Japan aangeteken, terwyl sy skopvoet vir 22 punte in die finaal gesorg het.

Hy het die eindstryd met sy besering voltooi.

“Nie heeltemal die Trofee-toer wat in gedagte gehad het nie,” het hy op sosiale media geskryf.

“Maar ek sal dié ’n 1 000 keer weer doen as ons weer die William Webb Ellis-trofee kan wen.”

Pollard sal voortaan sy eersterangse rugby in Frankryk vir Montpellier speel waar hy R20 miljoen sal verdien.

  • Die Springbokke se Trofee-toer het vanoggend by die Uniegebou in Pretoria begin en hulle sal vandag ook Johannesburg en Soweto besoek.

Krieket:

  • Die Mzansi Superliga begin môre in Johannesburg met die Jozi Stars wat die Cape Town Blitz aanvat.
  • Hier is die res van die naweek se bepalings:
  • Vrydag: Jozi Stars teen Cape Town Blitz op die Wanderers om 17:30.
  • Saterdag: Durban Heat teen die Tshwane Spartans op Kingsmead om 12:30.
  • Sondag: Paarl Rocks teen Cape Town Blitz op Bolandpark om 10:00.
  • Sondag: Nelson Mandela Bay Giants teen Jozi Stars in Port Elizabeth om 14:00.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
Maria

Handre sterkte en word gesond. Baie dankie vir jou harde werk en jou bes gedoen en trots op jou!

Pollie

My absolute gunsteling. Hoop jy voel sommer gou beter. Ironies hoe ons bokke hulleself vlenters speel en na die game is die saamryers op al wat voorblad is en met soveel arrogansie.

Linda

Word gou gesond Handre !!! Ons is baie trots op jou !!!

Trots Suid-Afrikaans

Spoedige beterskap Handré!

Genieve

Gou gesond word Pollard