Vandag se sportnuus

Gholf

Die eerste Major van die jaar, die Amerikaanse Meesters, is op Augusta afgehandel. Die toernooi is deur Spanje se Sergio Garcia gewen. Suid-Afrika se Charl Schwartzel het derde geëindig.

Swem

Die Nasionale Swemkampioenskap het Saterdag in Durban ten einde geloop. Agt  swemmers het vir die Wêreldkampioenskap later vanjaar gekwalifiseer.

Sewesrugby

Die sewende toernooi in die Wêreldreeks is die naweek in Hongkong gespeel. In die groepfase het die Blitsbokke bo in groep B geëindig. In die kwarteind het Suid-Afrika met Nieu-Seeland klaargespeel en in die halfeind met die VSA. In die eindstryd was Fidji egter een te veel vir die Blitsbokke en het met 22-0 geseëvier. Australië was derde en Nieu-Seeland vierde.

Die Springbok-vrouespan was ook in Hongkong in aksie. Hulle het goed gevaar om tot in die eindstryd te vorder waar hulle deur Japan met 22-10 geklop is.

Superrugby

Sewe wedstryde is die naweek gespeel.

Intussen het Sanzaar aangekondig dat aanstaande jaar se Superreeks uit 15 spanne sal bestaan. Suid-Afrika sal net vier spanne hê, wat beteken dat twee van die huidige spanne sal wegval.

Davisbekertennis

Suid-Afrika het die naweek teen Slowenië in die Davisbekerkragmeting by die Irene Buiteklub op die baan gestap. Suid-Afrika het oorheers en met 5-0 geseëvier. Later vanjaar gaan Suid-Afrika in ʼn promosie-relegasiestryd speel om moontlik na Afdeling Een op te skuif.

In die kwarteindronde van dié kompetise het Serwië vir Spanje geklop en Frankryk het Groot-Brittanje uitgeskakel.

Motorwedrenne

Die Chinese Formule Een Grand Prix is gister in Shanghai gejaag. Lewis Hamilton het van die begin tot die einde voorgejaag.

Die Argentynse MOTO GP-wedren is ook gister in Rio afgehandel. Marc Marquez was die voorloper voordat hy in ʼn ongeluk betrokke was. Die finale uitslag lyk só:

In die Moto 2-afdeling het Brad Binder van Suid-Afrika negende geëindig.

Eendagkrieket

Die Wes-Indiese Eilande en Pakistan het gister kragte gemeet in hul tweede Eendagwedstryd en Pakistan het met 74 lopies gewen.

IPL-krieket

Gister is daar twee wedstryde gespeel.

Gujarat Lions                135/7

Sunrisers Hyderabad          140/1

Sunrisers Hyderabad wen met 9 paaltjies.

Kolkata Knight Riders        178/7 (20 bb)

Mumbai Indians               180/6 (19.5/20 bb)

Mumbai Indians wen met 4 paaltjies met 1 bal oor.

Bepalings:

 

Sokker

Hier is van die naweek se Engelse Premierliga-uitslae:

AFC Bournemouth         1 – 3    Chelsea

Tottenham Hotspur       4 – 0    Watford

Everton                 4 – 2    Leicester City

Sunderland              0 – 3    Manchester United

 

Vanaand speel Crystal Palace teen Arsenal om 21:00.

 

Kom ons loer na van gister se Nedbankbeker-uitslae in Suid-Afrika:

Acornbush             1 – 2    Kaizer Chiefs

Bloemfontein Celtic 2 – 1    Mbombela United

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Jack Russl ·

Die totale houe van Garcia en Rose tel nie op nie. Net die eerste drie dae se houe is by die totaal gevoeg. As ‘n mens na die totale houe kyk was daardie twee heeltemal in ‘n klas van hulle eie, ‘n volle 72 houe minder gespeel.

In die Sewes het NZ nie vierde geëindig nie. USA het teen Aus verloor om vierde te eindig

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.