Die minister van sport, Thulas Nxesi, het drie sportsoorte se regte om internasionale byeenkomste aan te bied aan hulle terugbesorg. Die sportsoorte wat hul transformasieteikens bereik het, is rugby, krieket en netbal. Dit beteken SA Rugby kan voortgaan met sy bod om die 2023-Wêreldbeker te kan aanbied.
Olimpiese Spele
Die fokus is vandeesweek op Los Angeles se Olimpiese bod vir 2024. Die Internasionale Olimpiese Komitee besoek dié stad dié week om te sien wat hulle alles bied vir 2024. Parys is die ander mededinger. Die wenner sal in September bekend gemaak word.
Wêreldbekerrugby
Vandag word die loting gedoen vir die 2019-Wêreldbeker. Suid-Afrika gaan heel moontlik ʼn moeilike loting kry weens sy swak posisie op die huidige ranglys.
Superrugby
Skrumskakel Faf de Klerk is weer weggelaat uit die wedstrydgroep vir die Lions se wedstryd die naweek. Hulle speel Vrydag teen die Brumbies in Canberra.
Sewesrugby
Die negende toernooi van die Wêreldreeks word die naweek in Parys gespeel. Die Blitsbokke speel Saterdag in Groep A teen Skotland, Japan en Kanada.
Motorwedrenne
Die fokus verskuif die naweek van Moto GP na Formule Een. Alle oë sal op die Spaanse Formule Een Grand Prix wees wat Sondag gejaag word.
Fietsry
Die Toer van Italië se vierde skof is gister afgehandel.
- Jan Polanc (SLO/UAE) 4 uur 55 min 58 sek
- Ilnur Zakarin (RUS/KAT) plus 19 sek
- Geraint Thomas (GBR/SKY) plus 29 sek
Algeheel
- Bob Jungels (LUX/QST) 19 uur 41 min 56 sek
- Geraint Thomas (GBR/SKY) plus 6 sek
- Adam Yates (GBR/ORI) plus 10 sek
IPL-krieket
Gister is een wedstryd gespeel. Die Kings XI Punjab klop die Kolkata Knight Riders met 14 lopies.
Bepalings
Vrouekrieket
Suid-Afrika het gister in die tweede wedstryd van die vierhoekige Eendagreeks op Potchefstroom teen Indië gespeel. Indië het koning gekraai met 7 paaltjies.
Gholf
Die afwagting is groot vir die sogenaamde vyfde Major, die Spelerskampioenskap, wat môre op TPC Sawgrass in Florida begin. Jason Day sal saam met Rickie Fowler en Henrik Stenson speel. Wêreldnommereen, Dustin Johnson, is saam met Rory McIlroy en Justin Thomas in ʼn groep. Charl Schwartzel en Ernie Els speel in dieselfde driebal tydens die eerste twee rondtes.
Hokkie
Hier is die Varsity-hokkiereeks vir die vrouespanne se jongste punteleer.
Tennis
By die Madrid Ope het die verdedigende kampioen Simona Halep vir Roberta Vinci met 6-3, 2-6 en 7-6 (7/2) geklop om deur te dring na die derde ronde.
Wêreldnommereen, Andy Murray, het maklik klaargespeel met Marius Copil deur met 6-4 en 6-3 te seëvier.
Sokker
In die Eufa Kampioeneliga het Juventus gemaklik na die eindstryd deurgedring ná ʼn 2-1-oorwinning oor Monaco. Dit gee aan hulle ʼn saamgestelde telling van 4-1 in die halfeind.
Vanaand speel Real Madrid teen Atletico Madrid in die tweede been van die halfeindstryd. Real is met 3-0 voor ná die eerste been.
In die Engelse Premierliga lyk die punteleer só:
In Suid-Afrika se Premierliga is daar gisteraand een wedstryd gespeel:
SuperSport United 4-2 Cape Town City FC