Tennis
Dit was gister dag tien by die Franse Ope op Roland Garros en reën het sake deurmekaar gekrap. Gister se kwarteindwedstryde vir mans sal vandag voltooi word.
Rafael Nadal, wat al nege keer kampioen was, speel teen Pablo Carreno Busta, terwyl Novak Djokovic vir Dominic Thiem die stryd aansê. Andy Murray sal ook teen Kei Nishikori speel en Stanislas Wawrinka teen Marin Cilic.
In die enkelspel vir Vroue was daar gister twee opskuddings in die kwarteind:
Die 19-jarige Jelena Ostapenko het die elfde gekeurde Caroline Wozniacki in drie stelle uitgeskakel. Die dertiende gekeurde Kristina Mladenovic het ook pakslae gekry toe Timea Bacsinszky haar in twee stelle uitgestof het.
Krieket
By die IKR se Kampioenetrofee was Engeland en Nieu-Seeland gister in Cardiff
slaags.
Engeland 310 (49.3/50 bb)
Nieu-Seeland 223 (44.3/50 bb)
Engeland wen met 87 lopies
Bepalings
Motorfietswedrenne
Die naweek verskuif die aandag na Formule Een, met die Kanadese Grand Prix wat Sondag gejaag word. Die punteleer lyk só:
Internasionale Rugby
Die Britse en Ierse Leeus speel vandag in Nieu-Seeland teen die Blues.
Bepalings
Die Springbokspan wat Saterdag teen Frankryk in Pretoria speel, word môre bekend gemaak. Daar is heelwat vrae oor watter spelers as die skakelpaar, senterkombinasie en lostrio gekies gaan word. Intussen is aangekondig dat Duane Vermeulen die hele reeks teen die Franse gaan misloop as gevolg van sy skouerbesering.
Superrugby
Soos sake tans staan sal die volgende spanne in die uitspeelwedstryde betrokke wees.
Suid-Afrikaanse Groep
By die Wêreld Junior-Rugbykampioenskap vir o.20’s in Georgië word die volgende wedstryde môre gespeel.
Gholf
Dié week verskuif die aandag in die Amerikaanse reeks na die St. Jude Classic in Memphis, Tennessee. Die voormalige kampioen Padraig Harrington moes hom onttrek nadat hy ’n elmboogbesering opgedoen het.
In Europa slaan die spelers môre af in die Lyoness Ope in Oostenryk.
Sokker
By FIFA se o.20-wêreldbekertoernooi in Suid-Korea lyk môre se halfeindbepalings só:
Uruguay v Venezuela Daejeon-stadion 10:00
Italië v Engeland Jeonju-stadion 13:00
Bafana speel komende naweek teen Nigerië. Die wedstryd is deel van die Afcon-kwalifiseringsreeks.
