YouTube vier vanjaar sy 10de verjaarsdag en het ʼn kort video saamgestel van al die treffers wat die afgelope 10 jaar op dié sosialemedia-kanaal gepubliseer is. Dié video is reeds meer as 10 miljoen keer gekyk.
Van lawwe goed wat gebeur het of iets wat mense se harte aangeraak het, persoonlike stories wat gedeel is of politieke agendas wat gedryf is… mense het hulself kreatief uitgedruk en hulself laat geld.
YouTube het meer as 75 verwysings na spesifieke video’s ingesluit. ʼn Lys van video’s wat vertoon word volg onderaan die video-plasing op YouTube.