WhatsApp groet BlackBerry, Nokia

WhatsApp

WhatsApp

Die boodskapdiens WhatsApp het onlangs aangekondig dat hy nie meer enige ondersteuning gaan bied vir BlackBerry of Nokia-selfone nie.

“Toe ons in 2009 met WhatsApp begin het, het selfone baie anders as vandag gelyk,” het die maatskappy in ʼn verklaring gesê. “Ongeveer 70% van slimfone was in daardie stadium óf BlackBerry of Nokia. Bedryfstelsels deur Google, Apple en Microsoft, wat vandag 99.5% van die mark verteenwoordig, was in daardie stadium minder as 25% van mobiele toestelle wat verkoop is.”

Die maatskappy het gevolglik besluit om teen die einde van 2016 sy ondersteuningstelsel vir WhatsApp op die volgende platforms te staak:

BlackBerry, insluitend BlackBerry 10
Nokia S40
Nokia Symbian S60
Android 2.1 en Android 2.2
Windows Phone 7.1

“Alhoewel hierdie slimfone ʼn belangrike deel van ons storie was, beskik dit nie oor die eienskappe wat ons benodig om ons gebruikers beter maniere te bied om in kontak te bly met hul vriende, familie en geliefdes deur WhatsApp nie,” lui die verklaring.

Die maatskappy beveel aan dat, indien jy enige van die bogenoemde toestelle gebruik, om op te gradeer na ʼn nuwer Android, iPhone of Windows-slimfoon voor die einde van 2016 om seker te maak dat jy nog steeds WhatsApp kan gebruik.

Vertel ons gerus in die kommentaar: Word jy hierdeur geraak? Hoe oud is jou slimfoon?

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

39 Kommentare

jongste oudste gewildste
camelia

Sluit dit al die blackberry’s in of net ‘n seker maak van die blackberry’s??

ansa

Stellig glo ek dat 70% van die land mense is wat nog ouerige fone het, wat nie kan bekostig om duurder fone te koop nie. Die ouer garde sal verseker whatsapp verloor en sodoende kontak met meeste verloor.

ansa

Lyk my hier moet mens net goeie menings gee en aanvaar

Rina Opperman

Ja, dit gaan my definitief raak! My Blackberry is al 4 jaar oud en ek doen alles met die foontjie en om nou ‘n nuwe foon te leer werk, is skrikwekkend! WhatsApp is wonderlik, sal nie graag daarsonder wil wees nie! Dankie vir julle goeie artikels!

Alischa

Ek en my man kan nie upgrades bekostig nie,ons Blackberrys is al wat ons het om in kontak te bly met ons famielie. Ons sal maar ander manier moet kry as ons nie meer what’s app kan gebruik nie. Ek weet baie skole maak ook baie gebruik van what’s app veral my kinders se skool,hul het baie groepies oop vir sport en ander akt. Tot self om met ouers en onderwysers in kontak te kom. Hoop maar ons sal ‘n ander manier kan kry.