[Foto’s] Padtoets: Is dit TATA, of hallo?

TATA Bolt (Foto: TATA)

Ek moet bieg. In sekere opsigte is ek maar redelik snobisties. Ja, ek trek my neus maar lekker hoog in die lug vir van die nuwe vervaardigers wat ons motormark hier in Suid-Afrika kom omkrap. Die twee skuldiges hier is die Sjinese en die Indiërs.

Van die eerste TATA-produkte wat in Suid-Afrika te koop gestel is, was vir my nie iets om oor opgewonde te raak nie. Ek was redelik skepties toe die vlootbestuurder vir my die Bolt skeduleer. Maar nou ja, soos ek al telkemale hier gesê het … dit is regtig lekker om verbaas te word.

Ek gaan sommer dadelik daarmee wegspring. Die TATA Bolt is ʼn reuseverbetering op sy voorgangers, en heeltemal ʼn billike, aantreklike mededinger in die mark. Die feit dat TATA vir Jaguar Land Rover besit, begin wys in die kajuit van dié klein Bolt. Welkom, TATA, ek glo julle is hier om te bly.

TATA Bolt (Foto: TATA)

Die bakwerk is netjies ontwerp en die paneelspasiëring is goed. Die kajuit is baie goed toegerus; al wat bietjie pla, is die bestuursposisie, maar ek is heeltemal te vol fiemies daarmee. Daar is elektriese vensters, lugreëling, kragstuur met kontroles vir die klankstelsel op die stuurwiel, stembeheer, Bluetooth en USB met aux vir jou slimfoon, parkeringsensors, sierwiele en ʼn paar ander goedjies. Sjoe! Die nuwe viersilinder-, turboaangejaagde 1.2-enjin is verbasend sterk, en boonop stil. Ja, 66 kW en 140 Nm is nie te versmaai nie. As jy mooi werk met die TATA’tjie – is hy tot lig op brandstof ook.

Ek het nie met die Bolt gejaag nie, so ek kan nie te veel kommentaar lewer oor sy padhouvermoë nie – maar sy ritgehalte is heeltemal in die kol vir ʼn klein, goedkoop tjorretjie.

TATA is ʼn globale maatskappy. Ek is bly om te sien hulle begin die daad by die woord voeg in hul passasiervoertuie.

Die reeks lyk só:

Luikrug 1.2T XMS66 kW/140 Nm6.5 ℓ/100 kmR157 995
Luikrug 1.2T XT66 kW/140 Nm6.5 ℓ/100 kmR167 995
Sedan 1.2T XMS66 kW/140 Nm6.5 ℓ/100 kmR167 995
Sedan 1.2T XT66 kW/140 Nm6.5 ℓ/100 kmR177 995

Die reeks word gedek deur ʼn 5 jaar/100 000 km-waarborg en 2 jaar/30 000 km-diensplan.

Die kompetisie lyk só:

Renault Sandero 66kW turbo Expression66 kW/135 Nm5.2 ℓ/100 km5 jaar/150 000 km-waarborg

2 jaar/30 000 km diensplan

R164 900
Toyota Etios 1.5 Sprint66 kW/132 Nm6 ℓ/100 km3 jaar/100 000 km-waarborg

2 jaar/30 000 km-diensplan

R174 300
Ford Figo 1.5 Ambiente82 kW/136 Nm5.9 ℓ/100 km4 jaar/120 000 km-waarborg

2 jaar/40 000 km-diensplan

R175 700

Die TATA en al dié mededingers het twee lugsakke. Die Renault se waarborg is verreweg die beste. Ek glo die Toyota gaan die beste sy waarde hou. Die klein segment is verskriklik mededingend. Gaan toetsbestuur almal en kies die een wat jou hart en sak pas.

TATA Bolt (Foto: TATA)

TATA Bolt (Foto: TATA)

TATA Bolt (Foto: TATA)

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

3 Kommentare

Brendon ·

Dagsê Johan,

Baie dankie vir jou kommentaar. Die Kia Picanto is ietwat kleiner as die Bolt. Die Picanto se kwaliteit in die nuwe model is beslis asemrowend. As jy nie spasie nodig nie is die Picanto ‘n puik opsie.

Groetnis
Brendon
nms Maroela Media

Pieter ·

Het so ‘n maand gelede vir die gesin ‘n Tata Manza Ignis aangeskaf. Die hele koop het as “Tyre skoppery” begin, maar die verkoopspan in Bloemfontein was uitstekend.

Amper 4000km verder het ek nog geen klagtes nie, brandstof verbruik van 18km/liter en baaaaie meer spasie as die naaste Japanese of Duitse kompetisie. Ek wag in elk geval nog vir die mense van “Alles loop reg, altyd reg…..” om my te skakel nadat ek in elk geval een wou toets bestuur en hulle my sou skakel….

Ek sê Tata het verbeter en is beslis die moeite werd. Die Manza het “ALL THE BELLS AND WHISTLES”

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.