Foto's: Porsche se splinternuwe $100 miljoen-speelpark

Foto: The Verge

Die motorvervaardiger Porsche het ŉ nuwe hoofkantoor net suid van Atlanta in Amerika oopgemaak.

Dié nuwe “ervaringsentrum”, geleë in Porscherylaan 1, is byna 11 hektaar groot en die maatskappy het ongeveer $100 miljoen daarin belê, berig The Verge.

Alhoewel Porsche nog steeds ŉ boetiekhandelsmerk is, het die maatskappy in 2014 meer motors in Amerika verkoop (meer as 48 000 eenhede) sedert die maatskappy 65 jaar gelede die Amerikaanse mark betree het.

ŉ Formule 1-argitek het spesiaal ŉ 1.6 myl (2.57 km)-renbaan ontwerp vir bestuurdersontwikkeling. Die maatskappy het hard gewerk om die kans dat iemand sal seerkry te minimaliseer, en bestuurders sal altyd ŉ afrigter saam met hulle in die motor hê om die ervaring aan te pas vir die persoon se belangstelling.

Die maatskappy sal ook binnekort aanboordkameras installeer sodat jy jou ervaring deur sosiale media kan deel.

Daar is ook ŉ galery met klassieke motors, ŉ herstel- en restoureersentrum en selfs ŉ restaurant.

Porsche verwag nagenoeg 30 000 besoekers per jaar.

Lees meer: The Verge, Porsche Atlanta