Min kans vir voluit jaag in Texas

Spanje se Marc Marquez tydens die MotoGP-wedreg by Argentinië se Motorfiets Grand Prix op die Termas de Rio Hondo-baan in Argentinië (8 April 2018). Foto: AP Photo/Natacha Pisarenko

Die derde wedren in die Moto GP-reeks vind dié naweek in Austin, Texas, plaas. Die Grand Prix van die Amerikas word Sondagaand (Suid-Afrikaanse tyd) afgehandel. Die sogenaamde COTA-baan spog met 20 draaie en volgens die renjaers bied dit min kans om werklik voluit te jaag. Tegnies gesproke is dit een van die moeilikste.

Die huidige wêreldkampioen, Marc Marquez van Spanje, is tans vyfde op die punteleer en hy sal hard probeer om sy agterstand van 18 punte minder te maak.

Dani Pedrosa, wat sy gewrig in die vorige wedren gebreek het tydens ʼn val, het verlede week ʼn operasie in Barcelona ondergaan. Daar is sprake daarvan dat hy reeds dié week weer in aksie wil wees en hy sal finaal besluit nadat hy ʼn oefenlopie in sy Honda geneem het.

Met die vorige wedren in Argentinië was Jack Miller eerste op die wegspringrooster.

1Jack MillerPramac1:47.153
2Daniel PedrosaRepsol Honda1:47.330
3Johann ZarcoTech 31:47.365

Die wedren in Argentinië is egter deur Cal Crutchlow gewen met Miller wat vierde was.

PosRenjaerSpanTyd
1Cal CrutchlowLCR Honda40:36.342
2Johann ZarcoTech 3+0.251
3Alex RinsSuzuki+2.501
4Jack MillerPramac+4.390
5Maverick VinalesYamaha+14.941
6Andrea DoviziosoDucati+22.533

Op die punteleer word die voorste twee jaers deur slegs drie punte geskei. Die LCR Honda van Crutchlow beklee tans die eerste plek terwyl die Repsol Honda van Marquez vyfde is.

1Cal CrutchlowLCR Honda38
2Andrea DoviziosoDucati35
3Johann ZarcoTech 328
4Maverick VinalesYamaha21
5Marc MarquezRepsol Honda20
6Jack MillerPramac19

In Moto2 het Suid-Afrika se Steven Odendaal in Argentinië 18de geëindig. Brad Binder kon nie die wedren voltooi nie.

In Moto3 kon Darryn Binder net 22ste oor die eindstreep jaag in Argentinië.

Die oefenrondes in Texas vind Vrydag plaas terwyl die kwalifisering Saterdagaand afgehandel word. Die Moto3-wedren begin Sondag om 17:45 en die Moto2 om 19:05. Die groot kanonne in die Moto GP spring om 20:55 weg.

Kliek hier vir meer inligting.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Kiewiet ·

Bly om te sien iemand lewer komentaar oor die MotoGp. Marquez bly maar die beste.

Oom Doug ·

Ek gaan kyk. Hoop dat Brad beter doen in Texas, by is rerig goed.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.