Die nuwe Opel Foto: Quickpic
Goeie nuus vir Opel-liefhebbers is dat General Motors eersdaags die jongste geslag Opel Astra sedan in ons land gaan verwelkom.
Alhoewel pryse nog nie bekend is nie, is alle aanduidings dat die nuwe Astra in Oktober hier gaan aankom.
Volgens GM sal die nuwe Astra steeds aan die tegnologiese voorpunt wees wat sy voorkoms, bougehalte en verrigting betref.
Die reeks sal bestaan uit vier modelle en sal onder meer die volgende modelle insluit: 1.6 Essentia, 1.4 Turbo Essentia outomaties, 1.4 Turbo Essentia handrat en die topmodel in die reeks – die 1.6 Turbo Cosmo.
Dis tyd dat General Motors wakker skrik wanneer dit kom by sy bemarking van hierdie gewilde handelsmerk, want in Julie vanjaar het Opel maar ietwat gesukkel – soos blyk uit die volgende verkopesyfers: Corsa (44), Astra OPC (14) en Meriva (ook 14).
