Toyota meen dat legendes nie ontwerp word nie, maar oor ʼn tydperk gebou word. ʼn Lang tydperk.
Ek is geneig om met hulle saam te stem. Toe die eerste Hilux in 1969 bekendgestel is, was almal nog met groot Amerikaanse bakkies doenig – beslis nie die nuwe Japanse goed nie.
Spring 50 jaar vorentoe tot Junie 2019. Toyota se Hilux verkoop ʼn rekord 4 770 eenhede. Dit is ʼn produk en ʼn verhouding wat 50 jaar geneem het om te bou. In daardie 50 jaar het Toyota meer as een miljoen Hilux-bakkies in Suid-Afrika verkoop.
Toyota se jongste Legend 50 wat die Raider-reeks vervang sal die Hilux dra tot die volgende weergawe.
Die Legend 50 geniet geringe visuele opknappings soos pasgemaakte 18”-sierwiele, swart aksente op die voorste en agterste buffer, ʼn swaardiens bakseiltjie en ʼn laeprofiel sleepstang. LED-ligte en dagligte rond die pakket af. Die binneruim kry verskeie opknappings, swart leer met blou stiksel is uniek aan die Legend 50. Daar is ʼn chroom strook op die paneelbord om ʼn luukser gevoel aan die binneruim te gee. ʼn Aangename nuwe spesifikasie is sleutellose toegang met aan/af-knoppie.
Die grootste opknapping na my mening is die nuwe inligtingstelsel. Die 8”-skerm is ook nou in die paneelbord geïntegreer en staan nie meer soos ʼn opgeplakte iPad op die paneelbord soos voorheen nie. Dié nuwe stelsel het twee draaiknoppies vir volume en instel wat baie beter werk as die vorige drukknoppe. Dié stelsel kry ook navigasie as standaard by – ʼn groot voordeel as mens in Suider Afrika toer sonder selfoonopvangs.
Verder dra die Legend 50 oor na alle Raider-modelle, enkel, Xtra of dubbelkajuit. Die Legend 50 is beskikbaar slegs met 2.8 GD-6 enjin wat 130 kW en 420 Nm bied op die handrat en 450 Nm op die outo. Daar is 4×2 en 4×4 beskikbaar. Die reeksleidende 4.0 V6 is slegs in 4×4 outo beskikbaar.
Die reeks lyk só:
Model | Prys | |
Enkelkajuit | Hilux SC 2.8 GD-6 RB Legend 50 MT | R 472 000 |
Hilux SC 2.8 GD-6 RB Legend 50 AT | R 491 100 | |
Hilux SC 2.8 GD-6 4X4 Legend 50 MT | R 537 700 | |
Hilux SC 2.8 GD-6 4X4 Legend 50 AT | R 557 100 | |
Xtrakajuit | Hilux XC 2.8 GD-6 RB Legend 50 MT | R 511 100 |
Hilux XC 2.8 GD-6 RB Legend 50 AT | R 530 200 | |
Hilux XC 2.8 GD-6 4X4 Legend 50 MT | R 578 800 | |
Hilux XC 2.8 GD-6 4X4 Legend 50 AT | R 598 200 | |
Dubbelkajuit | Hilux DC 2.8 GD-6 RB Legend 50 MT | R 579 100 |
Hilux DC 2.8 GD-6 RB Legend 50 AT | R 598 500 | |
Hilux DC 2.8 GD-6 4X4 Legend 50 MT | R 647 600 | |
Hilux DC 2.8 GD-6 4X4 Legend 50 AT | R 668 800 | |
Hilux DC 4.0 V6 4X4 Legend 50 AT | R 712 100 |
Die reeks word gedek deur ʼn 3 jaar/ 100 000 km waarborg en 9 dienste/ 90 000 km diensplan.
Ek voorspel dat die Hulix van die beste vekope nog gaan he. Dit bly maar die nommer een!!
Grens die nommer een wat? Dis nie te sê die beste verkoper is die beste bakkie nie. Amarok is baie beter as die Toy niks met verkoops syfers te doen nie. McDonalds verkoop die meeste kits kos beslis nie die beste nie.
Die amarok is dalk vir die eerste 2 jaar in sy lewe die beste. En dan daarna gaan alles afwaards.
Geen bakkie, maak nie saak hoe goed, is daardie soort prys werd nie. Dit is presies wat dit sê, ‘n vragdraer of stuk gereedskap. Ek ry daagliks met ‘n 4×4 vir werk maar
sou verkies om met my motor te ry.
My Ranger het al die goed en nog baie meer waarmee die Hilux nou opgeknap word. Dis gin wonder die Ford Ranger dubble cab is die topverkoper dubble cab bakkie nie.
Siener, volgens Car Magazine lyk die verkoopsyfers vir die eerste 6 maande van 2019 soos volg:
Hilux = amper 21000 (weet nie hoekom hulle nie ‘n presiese getal gee nie)
Ranger = 12785
https://www.carmag.co.za/news/industry-news/south-africas-10-best-selling-bakkies-in-the-first-half-of-2019/
Dit sluit enkel en dubbelkajuit bakkies in.
Op watter bron baseer jy jou inligting?
Nee, ek ry nie Hilux of Ranger nie. Ek hou maar by ‘n Cruiser.
Dieter google single vs dubblecab bakkie sales.
Siener, al wat ek kry, is die totale verkope van enkel en dubbelkajuit bakkies. Geen getalle per vervaardiger nie. Gee n link, anders kan mens slegs aanneem jy suig feite uit jou duim.
Toyota het nou meer “oorlogs-voertuie” in lande met rebelle magte, as die meeste erkende wapentuig vervaardigers in alle lande waar daar aktief oorlog is!! Dis seker awesome te sê hoe goed jou voertuig is……….maar dis swak om dit aan sulke lande beskikbaar te stel.
Net om aan te sluit by jou, al daardie voertuie word privaat ingevoer. Daar is nie handelaars in daardie lande nie.
Wat sê dit vir jou? As dit by oorlog kom is net ‘n Toyota goed genoeg.
Die nuwe TOY!! Sal hom eers goed moet bewys voor hy by TOY se heel eerste legend gaan kom , dan praat ek nie eers van die Bielie van n RAPTOR nie. Nou trek TOY se grootmannne die die Dakar renspan nader om vir hulle n bakkie te ontwikkel wat moet by hou by FORD. Ek glo nie TOY sal by hou nie. ????????
Praat jy van die 2.2’s met die rap(tor) kits/ stickers?
Jaco, soos julle ford manne julle bakkies beplak met die stickers, sal mens sweer dis TOY’s…
Jy droom. Al daardie voertuie word met safety factors ontwerp met ‘n rede – sodat hy moet hou. Al daardie Rangers gee lekker ratkas en aanjaer probleme. Glo my, as Toyota hulle safety factor so min maak soos wat Ford dit maak, dan sal die Ford hom nooit sien nie.
Vraagteken jy moet maar by koekbak hou. Jy moet meer bakkie rebrieke lees voor jy jou kommetaar gee
Nee dis netjies, maar onthou net, smaak verskil en geld is skaars.
Nee wat. Die kool is nie die sous werd nie.
Buitendien behoort Toyota nog geboikot te word….
Ek dink as die maatstaf “verkope per handelaar ” was gaan Isuzu bo aan wees.
In die vroëer jare was dit Ford teen Chev. Nou is dit Ford teen Toyota.
Niks verander nie