Video: Die Audi-advertensie wat Brittanje nie mag sien nie

'n Skermskoot uit die video

‘n Skermskoot uit die video

Die motorvervaardiger Audi se jongste advertensie vir die R8-sportmotor is vandeesweek in Brittanje van die lug verwyder ná klagtes dat dit “roekelose bestuur” aanmoedig.

Die gesagsliggaam vir reklamestandaarde (ASA) in Brittanje het Maandag beslis dat die advertensie met onmiddellike effek onttrek moet word omdat dit ʼn verband trek tussen spoed en opgewondenheid. Die ASA het aangevoer dat Audi in dié geval roekelose bestuur goedkeur.

Die ASA is ’n onafhanklike mediareguleerder in Brittanje wat die media proaktief reguleer en ook op individuele klagtes reageer.

ʼn Voortsnellende motor verskyn egter nie een keer in dié minuut lange advertensie nie. Die advertensie is grotendeels ʼn nabyskoot van ʼn mens se pupil wat verklein en vergroot saam met die geluid van die enjin, terwyl die motor in ʼn tonnel ry.

Audi se moedermaatskappy, Volkswagen, het in ʼn verklaring gesê die menslike oog verteenwoordig konsentrasie en verheerlik nie noodwendig spoed nie. Die vervaardiger het egter steeds ingestem om die advertensie te verwyder.

Miranda Harper, Audi se woordvoerder, het gesê die vervaardiger respekteer die besluit van die ASA om die klagtes te hanteer.

Bron: USA Today

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
Nestus Venter

Ek dink ons is terug by belaglik, dom onnosele klagtes.

Voorlaaier

En i ruk terug het di pommies keel afgegaan omdat Victoria Beckham haar kind op di mond soen!!!.. Dit is glo te “sensueel”!!…Belaglik !!

Marianne

Beautiful Kar!!!!!!!!
As ek een Kon bekostig en so kon……
DAN HET EK!!!!!!!!!

Popeye

Dit gee my hoendervleis! Baie bly ek kon dit sien!!!!

Ruan

Die Britte is narrow minded en soek iets om oor te kerm!
Mens weet mos watse tipe krag jou voertuig het en wat sy snelhede is…
Verantwoordelik bestuurders is daar baie.