Hollywood-ontwerpte ruimtepakke vir Space X

Jose Fernandez, besig met die ontwerp van 'n Batman-pak Foto: Jose Fernandez / Ironhead Studio

Jose Fernandez, besig met die ontwerp van ‘n Batman-pak Foto: Jose Fernandez / Ironhead Studio

Jose Fernandez, die ontwerper van die spesiale Batman-pakke vir flieks, is deur Elon Musk, grootbaas van Space X, genader om te help om byderwetse ruimtepakke te ontwerp.

Fernendez is ook die ontwerper van Iron Man en Captain America se uitrustings.

Musk se ideaal is dat sy firma se ruimtepakke goed moet lyk en funksioneel moet wees. Space X se ingenieurs is nou besig om die ontwerpte pakke funksioneel te maak, in ’n proses wat as omgekeerde ingenieurswese bekend staan.

Verskillende soorte pakke word vir verskillende omstandighede vereis. Met Musk se planne om binne die afsienbare toekoms deel te wees van bemande Marssendings, moet ruimtepakke ontwerp word wat by Mars se groter swaartekrag aangepas is, en sal verskil van dit wat vir die maan benodig word. Op Mars word groter buigsaamheid vir die bene verlang om die ruimtemanne in staat te stel om rotse op te tel.

Lees meer: International Business Times en Christian Science Monitor

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Ruimte

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae