So sal die ELT lyk (Foto: ESO)
Die eerste sooie is gespit vir die wêreld se grootste optiese teleskoop, bekend as die Extremely Lage Telescope, of ELT.
Die ELT sal vyf keer so sterk wees soos enige ander soortgelyke teleskoop en die spieël het ʼn deursnee van 39 meter. Dit word in Chili in die middel van die Atacama-woestyn op ʼn hoogte van 3 000 m bó seespieël opgerig.
Die plegtigheid is waargeneem deur die Chileense president, Michelle Bachelet, wat gesê het dié ontwikkeling bied nie net nuwe geleenthede vir sterrekunde nie, maar groot moontlikhede vir die wetenskap in geheel. Die teleskoop sal benewens die soektog na eksoplanete, ook moontlik kan help om die atmosfeer van sommiges te bepaal.
Die klimaat en ligging van die Atacama-woestyn word as ideaal vir sterrewagte beskou en na verwagting sal tot 20% van die wêreld se astronomiese infrastruktuur teen die 2020’s in dié woestyn gesetel wees.
Dis verblydend dat daar nog geld bewillig word vir sulke groot navorsingsprojekte.
Die hele SA is ‘n navorsingsprojek, die guptas kyk in hoe kort tyd hulle ons kan besteel.