Nasa gaan hulp benodig vir Mars-sending

Kunstenaarsvoorstel (Grafika: NASA)

Kunstenaarsvoorstel (Grafika: NASA)

Die astronomiese koste verbonde aan ’n bemande reis na Mars maak dit onwaarskynlik dat Nasa so iets op sy eie kan aanpak, aldus ’n verslag wat aan Bloomberg gelewer is. Nasa se begroting vir 2016 beloop $19,3 miljard, terwyl beraam word dat ’n bemande reis na Mars tussen $100 miljard en $1 biljoen sal kos.

Nasa beoog om teen ongeveer 2033 ’n bemande sending na die Rooi Planeet te onderneem.

Uit verskeie verslae blyk dit dat die VSA ’n vennootskap met ander agentskappe sal moet sluit, soos die Europese Ruimte-agentskap. Daar is min ander opsies. Rusland is self besig om ernstig te besnoei terwyl die VSA deur Amerikaanse wetgewing verbied word om met die Chinese Ruimteagentskap saam te werk.

Nog ’n opsie is om private maatskappye soos Space X te betrek. Nie alleen het Space X al groot kostebesparing moontlik gemaak deur ’n aanjaervuurpyl vir hergebruik ongeskonde na die aarde te laat terugkeer nie, maar die private maatskappye het ook al getoon dat hulle items veel goedkoper as Nasa kan vervaardig.

Bron: Christian Science Monitor

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Ruimte

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

HEVW ·

NASA LOS MAAR EERS VIR MARS. DAAR IS VEEL BELANGRIKER WERK HIER OP AARDE. BEGIN SOMMER HIER BY SUID AFRIKA.

Kloekie ·

Belaglik! Plaas hul spandeer die geld aan natuurbewaring of aardverwarming.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.