Nasa ontken ‘verwoestende asteroïed’

Soortgelyke grafika word op sosiale media rondgestuur

Soortgelyke grafika word op sosiale media rondgestuur

Nasa het in ’n seldsame reaksie op volgehoue gerugte dat die aarde binnekort deur ’n aard-verwoestende asteroïed getref gaan word, die storie ontken.

Volgens Nasa is daar geen aanduiding van ’n bedreiging van hierdie aard die volgende eeu nie.

Volgens die wolhaarstorie, wat hoofsaaklik op die internet versprei word, sal ’n reuse asteroïed die aarde tussen 15 en 28 September vanjaar tref. Dit is ou gerugte wat weer die afgelope weke lewe gekry het, en spruit blykbaar voort uit ’n “gesig” wat ‘n self-aangestelde profeet, Efrain Rodriguez, in 2010 in ’n brief aan Nasa “bekend gemaak het.” Rodriquez self ontken dat die gevalle met mekaar verband hou.

Dit val saam met die jaarlikse “grap” dat Mars op 27 Augustus so na aan die aarde sal wees dat dit so groot soos die maan sal vertoon. Die “poets” word reeds die afgelope meer as ’n dekade jaarliks versprei en elke jaar word mense uitgevang. Mars is dan in werklikheid byna op sy verste punt van die aarde.

Bron: Christian Science Monitor

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Ruimte

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
HFC

Dink iemand regtig as dit ooit so sal wees dat hul(Nasa) dit sal erken?

nettie

Ek dink mens moet goed ingelig wees om aan die gesprek deel te kan neem, nietemin glo ek nie een gaan weet wat die dag en datum sal wees wat die aarde vergaan of met die wegraping,in die Woord staan immers geskrywe geen mens op aarde sal die dag en datum ken. So my gevoel is lewe elke dag of dit jou laaste is. Wat kan jy inelk geval doen as jy weet – niks want jy is net n nietige mens

nettie

Ek dink mens moet goed ingelig wees om aan die gesprek deel te kan neem, nietemin glo ek nie een gaan weet wat die dag en datum sal wees wat die aarde vergaan of met die wegraping,in die Woord staan immers geskrywe geen mens op aarde sal die dag en datum ken. So my gevoel is lewe elke dag of dit jou laaste is. Wat kan jy inelk geval doen as jy weet – niks want jy is net n nietige mens

chris

Ons hoef nie vir die asteroeied bang te wees nie, daar is reeds ‘n space ship van ‘n ander planeet oppad om hom te vernietig.

shane

dit is nogal skerp…het almal op hol. Dit moet wyd verspreid wees dat selfs nasa uit hul donker grot kruip om kommentaar te lewer… volgende kruip Godzilla uit die diep see en die FBI praat oor JFK…wat ‘n mal wereld is hierdie nie!