Robottuig Philae op komeet herleef kortstondig

Die Philae-landingstuig op die komeet 67P/Churyumov-Gerasimenko het gou weer van hom laat hoor. Al het die kommunikasie net 85 sekondes geduur, is ’n totaal van 300 datapakette na die wenteltuig Rosette versend, wat dit weer na die aarde versend het.

Philae Foto: ESA

Philae Foto: ESA

’n Ontleding van die data het aan die lig gebring dat Philae tevore ook reeds “aangegaan” het en data ingesamel het, maar toe nie genoeg energie gehad het om dit na Rosetta te kommunikeer nie. Hierdie “historiese data” is nou saam met die nuwe versend.

Philae het in November verlede jaar op die komeet geland, maar in die skadu beland. Na sestig uur was Philae se batterye wat nie sonder sonlig kon herlaai nie, pap en is sedert 15 November niks meer van die tuigie verneem nie.

Wetenskaplikes het gehoop dat Philae later, wanneer die komeet nader aan die son sou wees, wel aan sonlig blootgestel sou wees en dan weer data sal kan versend. Die wetenskaplikes hoop nou dat Philae genoeg sonlig sal kan kry om ‘n hele reeks eksperimente waarvoor dit toegerus is, te kan uitvoer.

Bron: Europese Ruimte-agentskap en Belga

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Ruimte

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Eliza-beth ·

Fantastiese interessante nuus! Kommunikasie het slegs 85 SEKONDES geuur tog het dit 300 datapakette na Rosette gestuur. Ongelooflik!

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.