Ruimtestasie kry sensor vir ruimterommel

Suid-Afrika – soos gesien uit die internasionale ruimtestasie (Foto: ruimtevaarder Tim Peake)

Die Internasionale Ruimtestasie kry nóg ’n instrument by wat ondersoek sal doen na ruimterommel wat kleiner is as 10 cm in deursnee.

Die instrument, wat as die ruimterommelsensor bekend staan, sal onder meer kyk na die uitwerking van klein brokkies ruimterommel. Die sensor sal ook vasstel waar die meeste stukkies voorkom sodat bane ontwerp kan word vir nuwe tuie sonder dat hulle onnodig in gevaar gestel word.

Die Internasionale Ruimtestasie word self gereeld deur klein stukkies ruimterommel getref en veral die dele waar die bemanning leef, is goed gepantser.

ʼn Stukkie ruimterommel van meer as 1 cm kan die ruimtestasie se skanse deurpriem terwyl ’n stuk groter as 10 cm ’n satelliet uitmekaar kan laat spat.

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Ruimte

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

KLEINTJIE ·

So what. Gaan dit enigsins help om sateliete te beskerm teen rommel.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.