Ruimtevliegtuig amper gereed vir onafhanklike vlugte

Die Dream Chaser-ruimtevliegtuig word deur ’n helikopter opgelig tydens ʼn toetsvlug (30 Augustus 2017). Foto: Matt Hartman via AP

Die Dream Chaser-ruimtevliegtuig, wat ontwerp is om vrag na en van die internasionale ruimtestasie te neem, is nou amper gereed om sy eerste solovlug te onderneem.

Die tuig is pas deur ’n helikopter tot by die hoogte geneem vanwaar dit in die toekoms losgelaat sal word om ’n vryvlug te onderneem. Nog een toets wat weer met behulp van ’n helikopter sal plaasvind, word nog onderneem voor die Dream Chaser sy solovlug na verwagting voor die einde van die jaar sal aanbied.

Anders as die mededingers wat ook vrag na die ruimtestasie neem, kan hierdie tuig op ’n aanloopbaan land. Dit het opvoubare vlerke, en is so ontwerp dat dit deur ’n verskeidenheid vuurpyle na die ruimte gedra kan word. Die Dream Chaser is as onbemande tuig ontwerp, maar kan maklik omskep word om ’n bemanning te dra.

Volgens NASA sal die Dream Chaser-ruimtevliegtuig teen 2024 minstens ses vlugte na en van die ruimtestasie onderneem.

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Ruimte

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Paul ·

Dit word ontwikkel deur die Sierra Nevada Corporation, wat ‘n VSA maatskappy is wat deur ‘n Turkse immigrant, voormalige Turkse fietsrykampioen Fatih Ozmen, gestig is. Die maatskappy bou ook komponente vir Virgin Galactic en die Super Tucano vir die VSA lugmag.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.