Sien die Internasionale Ruimtestasie

Die internasionale ruimtestasie is hier sigbaar op 'n foto met 'n sluiterspoed van 30 sekondes oor Elkton, Virginia (Saterdag, 1 Augustus 2015) Foto: NASA/Bill Ingalls

Die Internasionale Ruimtestasie is hier sigbaar op ‘n foto met ‘n sluiterspoed van 30 sekondes oor Elkton, Virginia (Saterdag, 1 Augustus 2015) Foto: NASA/Bill Ingalls

As jy op die regte plek op die regte tyd staan, kan jy die Internasionale Ruimtestasie met jou blote oog sien!

Ruimtevaarders wat op die ruimtestasie woon en werk, beweeg in ʼn wentelbaan 250 myl bo die aarde en wentel elke 90 minute om ons planeet, wat beteken die bemanning sien daagliks 16 sonopkomste en sonsondergange.

Die ruimtestasie lyk soos ʼn vliegtuig wat vinnig beweeg, maar dit is net baie hoër en reis teen duisende myl per uur vinniger. Dit is die derde helderste voorwerp in die lug.

Nasa het ʼn spesiale “Spot the Station”-webwerf opgerig waar jy jou ligging kan invul en kan uitvind wanneer die ruimtestasie daar gaan verbykom. Jy kan selfs inteken om kennisgewings per e-pos of SMS te ontvang wanneer jy in die lug moet kyk.

Dis moontlik om die Internasionale Ruimtestasie te sien omdat dit die lig van die son reflekteer – dieselfde rede waarom ons die maan kan sien. Die ruimtestasie is egter nie helder genoeg om in die dag te sien nie.

Kyk hier wanneer die ruimtestasie naby jou gaan wees: Spot the Station
Lees meer oor die bemanning op die internasionale ruimtestasie
Volg NASA op Tumblr

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae