’n Uitgediende kommunikasieantenna van 32 meter in Ghana is onlangs suksesvol in ’n radio-teleskoop omskep.
Dié radio-teleskoop sal in fase twee deel word van die Square Kilometre Array- (SKA) projek in Suid-Afrika, en bekend staan as deel van die African Very Long Baseline Interferometer (VLBI)-netwerk.
Ander lande waar soortgelyke geriewe opgerig moet word om die SKA se opvangspotensiaal te vergroot is Botswana, Kenia, Madagaskar, Mauritius, Mosambiek, Namibië en Zambië.
Die omskakeling van die skottel het in 2012 begin. Dit is grootliks deur Suid-Afrika gefinansier.
Die struktuur kan ook op sy eie bene as radioteleskoop funksioneer, en ook by ander radio-teleskoopprogramme soos dié van Europa inskakel.