Tiener help museum reg met wiskunde-fout

Wiskunde-uitstalling by die Wetenskap-museum in Boston, Amerika Foto: Boston Museum of Science

Wiskunde-uitstalling by die Wetenskap-museum in Boston, Amerika Foto: Boston Museum of Science

Danksy ʼn skrander tiener se oplettendheid kon die Wetenskap-museum in Boston, Amerika, ʼn fout regstel in ʼn wiskunde-uitstalling wat al ʼn paar dekades oud is.

Joseph Rosenfield (15) het ʼn fout in die formule vir die Goue Verhouding wat uitgebeeld word as deel van die museum se Wiskunde-uitstalling.

ʼn Minus-teken is op drie plekke aangedui in die formule waar dit eintlik plus-tekens moes wees.

Rosenfield se tannie het agterna die museum gekontak en personeellede het bevestig die tiener was heeltemal reg.

Beamptes van die museum kon die fout regstel sonder om die res van die uitstalling te beïnvloed. Die uitstalling is in die 1960’s deur Charles en Ray Eames ontwikkel.

Alana Parkes, inhoudontwikkelaar van uitstallings in die museum, het Rosenfield genooi om gerus die ander uitstallings ook te ondersoek. “Laat weet my as jy op ʼn fout afkom!” het sy geskryf.

Bron: CBS Local

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.