Mark Zuckerberg, uitvoerende hoof van Facebook, het Dinsdag ʼn video op Facebook gelaai om die toekoms van virtuele realiteit te wys.
Zuckerberg verduidelik dié 360°-video van Grand Central-stasie in New York is die eerste 360°-video wat hulle self vervaardig en verfilm het met ʼn nuwe “Surround 360”-kamera. “Beweeg jou selfoon rond om die verskillende oomblikke te geniet,” verduidelik hy. “Draai die volumeknoppie bietjie hoër om te weet waar jy moet kyk.”
Beleef die oomblik wat ouers ʼn kind groet, ʼn vrou wat tuiskom, ʼn egpaar se argument en selfs ʼn gedeelte van ʼn toergids se begeleiding.
“In plaas daarvan dat jy net na die aksie kyk, is jy nou reg in die middel daarvan,” het Zuckerberg gesê.
Daar is ook reeds verskeie 360°-video’s op YouTube beskikbaar. Lees meer.
Klik hier indien jy nie die video hier op Maroela kan kyk nie
Ongelooflike tegnologie!! Jy kan tot op kyk na die dak van die gebou. Dink net aan die moontlikhede hiervan vir bemarking van jou land/omgewing/besigheid. Eersdaags kan ons enige plek in die wêreld besoek sonder om die huis te verlaat.