Waterys op Mars só diep

Die blou gedeelte – kunsmatig gekleur – verteenwoordig die ondergrondse ys op Mars (Foto: Nasa)

Nuwe navorsing deur Nasa se Mars Reconnaissance Orbiter het aan die lig gebring dat waterys onder die oppervlak van die Rooi Planeet tot 90 meter dik is.

Die tuig het hom nou toegespits op verskeie areas waar eskarpe of hellings die vertikale kante van die yslaag blootgestel het.

So kon die instrumente van die sykant, of vertikaal, in die ys inkyk en vasstel dat dit verbasend skoon is. Horisontale studies bring net beperkte inligting aan die lig.

Benewens die beskikbaarheid van water vir toekomstige bemande sendings na Mars is waterys op plekke soos by die poolgebiede op aarde waardevolle bronne van inligting oor die geskiedenis van die aarde.

Dit werk byna soos ʼn boom se jaarringe en elke jaar is afsonderlik in die ys afgemerk en in bepaalde kenmerke vasgevang. Wetenskaplikes glo dieselfde tegniek kan gebruik word om meer omtrent Mars se geskiedenis te wete te kom.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

E.K. die eerste ·

Dankie Herman – geniet jou artikels altyd baie!

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.