Afrikaanse sanger, gesin ontsenu ná gepoogde inbraak

Elvis Blue 01

Elvis en Chirése (Foto: Maroela Media)

Elvis Blue en sy gesin is “geruk” nadat inbrekers vroeg Dinsdagoggend toegang tot ʼn vakansiehuis in Ballito in KwaZulu-Natal, waar hy en sy gesin tuisgaan vir ʼn kort vakansie, probeer verkry het.

Die sanger se agent, Kona Brown, het dié voorval aan Maroela Media bevestig.

Elvis is met vakansie saam met sy vrou, Chirése, en kinders, Lila (6) en Jua (3), ná 27 agtereenvolgende optredes.

Volgens Brown het Elvis omstreeks 04:00 Dinsdagoggend wakker geskrik van ʼn geraas in die onderste verdieping van die huis.

“Hy het skielik wakker geskrik, en was nog deur die slaap. Toe hy egter van die bed opstaan, kon hy sien hoe ʼn man die veiligheidshek probeer oopbreek. Daar was ook nog twee ander mans wat op die uitkyk was om seker te maak niemand sien hulle nie,” het sy gesê.

Chirése het glo ook van die bed opgestaan toe sy ook van die beweging wakker geword het. “Hulle het albei op die inbrekers begin skree en vir hulle gesê om te skoert. Dit het egter gelyk of hulle net vinniger toegang probeer verkry en hulle nie gesteur het aan die gille nie.

“Elvis het toe sy selfoon gegryp en die polisie gebel. Hulle was goddank binne sewe minute daar.”

Die inbrekers het waarskynlik te voet met die strand af gevlug. Niemand is nog vasgetrek nie.

Brown sê ook die gesin is almal ongedeerd, hoewel hulle ontsenu is.

“Hulle gaan darem nie hulle vakansie kortknip nie, want hy het dit ongelooflik nodig om te rus. Hulle is nou op soek na ʼn hotel of ander veiliger vakansieverblyf.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

15 Kommentare

jongste oudste gewildste
joe kruger

Dankbaar dat hulle niks oorgekom het nie. Dis duidelik die koelbloedige mense wou in en selfs die skreeu kon hulle nie afsit nie. Dis hier waar daar plek is vir n selfverdedigingswapen. jy het daardie paar oomblikke voorsprong en n goedgeplaaste waaskuwingskoot sou hulle op die vlug laat slaan. as hulle eers deur daardie deur is en jy word oorrompel is julle lewe heel moontlik vir altyd verander. ek besef die mense was op vakansie en dis moeilik om n vuurwapen saam te reis, maar ons het vandag (behalwe hulp van Bo) nodig om weerbaar te wees. baie sterkte!!

Cecily

Help nie mens soek na veiliger plek nie jys nerens meer veilig nie. Sit beams op buite jou huis wat sal af gaan as iemand in jou plek in kom dit gee mens rustigheid en waarsku jou vroegtuidig om polisie te bel. En mense om jou is ook wakker om hulp te help gee

Retha

Ons het self 9 jaar terug deurgeloop by Pebble Beach toe die skuifdeur uit sy spoor gelig en ons geroof is. My seun is van die balkon af gegooi. Met hulle treurige polisie het daar niks van gekom nie, hulle het die aanvallers gevang maar nooit moeite gedoen om verklarings by enige van ons te vat nie. Al word ek ‘n gratis mansion in Ballito aangebied sal ek nooit weer soontoe gaan nie. Ek kry tot vandag toe nagmerries daarvan, Hugh onthou niks van Ballito nie ( hy was 3 dae in intensiewe sorg) en as ek op vakansie gaan… Lees meer »

Marianne

Elvis dis julle huis – dis julle reg om DAAR te bly! Verskerp jou veiligheid maar ou vriend – as ‘n inbreker in ‘n PLEK wil in – is DAAR geen keer nie!!!!
Ek is bly julle is ongedeurd.

Anna J van Nieuwenhuizen

Ons is baie dankbaar teenoor ons Hemelse Vader dat hierdie ster en sy mooi gesin veilig is!