Liza Brönner, sangeres en vrou van die “Boerepompie”-treffermaker, Ricus Nel, het Sondag aangekondig sy is swanger met hul tweede baba.
Die egpaar het op Moedersdag bekend gemaak dat hulle ‘n dogtertjie verwag. “#itsagirl #happymothersday,” het Liza geskryf by ʼn foto waar sy haar swanger magie wys.
Talle bekendes het die sangers gelukgewens met die swangerskap.
“Baie geluk julle,” het Charlize Berg, wat ook onlangs ma van ʼn tweede baba geword het, gesê.
“So bly vir julle liefste Liza,” het Dunay van Heerden, vrou van Kurt Darren, geskryf.
Ricus en Liza se eersteling, Dawid, is op 22 November 2018 gebore. “Ek kan nie glo dat ʼn mens soveel liefde kan voel nie,” het Liza destyds oor hul seun se geboorte gesê.
Ricus en Liza is op 26 Januarie 2013 getroud.