Bekende akteurspaar verwelkom eerste pienkvoet

Altus en Zetske (Foto: Facebook)

Altus en Zetske (Foto: Facebook)

Die akteurspaar Altus Theart en sy vrou, Zetske van Pletzen, het Vrydagoggend hul eersteling, ʼn seuntjie, in die wêreld verwelkom.

Die egpaar het in April vanjaar hul swangerskap aangekondig.

Altus is veral bekend vir sy rol as Fafa in die sepie Getroud met rugby en as Daniël Malherbe in die rolprent Modder en bloed, terwyl Zetske roem verwerf het vir haar rol in 7de Laan. Sy het ook onder meer die klerereeks Halo vir swanger vroue ontwerp.

Die paar het vroeër in September op kykNET se leefstylprogram Bravo! met hul babakamer gespog, en Zetske het onlangs saam met rooi rose haar ooievaarstee by die Jenna Clifford-ontwerpateljee in Johannesburg gehou.

“Ek is verbaas oor hoe wonderlik ʼn mens se liggaam is en wat hy alles kan doen. Dis vir my só lekker om swanger te wees. Dit gaan hopeloos te vinnig verby en ek dink ek gaan dit mis,” het sy aan dié tydskrif gesê.

Sy het ook gesê hulle sal uit ʼn kortlys name besluit sodra die baba sy opwagting maak.

Zetske en Altus kon nie onmiddellik vir kommentaar bereik word nie.

Die babakamer waarmee die egpaar op Bravo! gespog het (Foto: Facebook)

Die babakamer waarmee die egpaar op Bravo! gespog het (Foto: Facebook)

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

Hannelie ·

BAIE GELUK julle twee. Kan nie wag om die gesiggie te sien nie.

Marianne ·

Yes!!!! Man dis wonderlik. Hartlik geluk met jul klonkie. Mag God Jul gesin bewaar.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.