Bekende egpaar hernu troubeloftes: ‘Die huwelik is ‘n Goddelike instelling’

Die egpaar tydens die "Vir Altyd"-première (Foto: Facebook)

Die egpaar tydens die “Vir Altyd”-première (Foto: Facebook)

Die Afrikaanse sanger, Heinz Winckler en sy vrou, Aletté, het die afgelope naweek hul tiende huweliksherdenking gevier met die hernuwing van hul troubeloftes.

Die egpaar het dié seremonie, by die La Chandelieur-landgoed op Schoongezicht in die Wes-Kaap, slegs met ʼn intieme groep vriende en familie gedeel.

“Dit was ʼn  spesiale geleentheid om met vriende en familie te deel,” het die sanger op Facebook geskryf. “Die huwelik is so ʼn pragtige Goddelike instelling en ons is dankbaar ons kon deur God se genade die dag vier. Ons sien uit na die res van ons lewe saam.”

Aletté het ook háár dankbaarheid vir dié mylpaal in ʼn hartroerende video gedeel. “Ek wou hierdie video maak om te sê die afgelope tien jaar was die beste van my hele lewe. Daar is niks soos die intimiteit van ʼn huwelik nie.

“Dit was ook die tien moeilikste jare van my lewe. Mense is geneig om te dink dis so maklik. Ek kan julle verseker, as dit nie vir God was nie, sou ons nie meer saam gewees het nie. Ons moes ook moeilike tye deurmaak, maar ons het deurgedruk. Maar dis die moeite werd, en ek wil mense aanmoedig om te baklei vir hul huwelike,” het sy gesê.

Die sanger se inskrywing is in minder as ʼn halwe dag meer as 1 000 keer op Facebook ge-“like”.

Hy is veral ook wyd geprys vir sy siening van die huwelik. “As almal maar net besef hoe ernstig die huwelik is. Dis regtig mooi dat hulle so ʼn voorbeeld stel,” het ʼn aanhanger aan Heinz geskryf.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
Lalla

Baie geluk! Ek dink julle is ‘n pragtige voorbeeld vir baie bekende paartjies!!! Mag julle toekoms saam dieselfde liefde vir mekaar inhou soos die 10 jaar wat verby is!!!

Jo-anli

Heinz en Alette julle is fantasties
so bly daar is nog mense soos julle wat huwelik ernstig opneem. Ek en my wederhelf is hierdie jaar 36 jaar getroud. Moeilike tye en maklike tye slles die moeite werd. Met God in jou lewe is niks onmoontlik.

Cherokee

Wie is hulle?

Kobus

Baie geluk julle . Bly altyd die mooi voorbeeld wat julle is. Dis waar, God het jul saamgevoeg en mens moet dit volhou.

Ekke

Ons is reeds langer as 20 jr getroud….ons eerste belofte aan mekaar en vior die Here geld nog. Sien geen rede waarom dit hernu moet word nie.