Ilne Prinsloo, een van die kykNET-reeks Boer soek ʼn vrou se gewildste deelnemers, is getroud.
Ilne het Sondag ’n foto op Instagram geplaas waarin sy en haar nuwe man, Wianco Blom, hul trouringe wys. “Honeymooners. Die Blomme is een meer,” het Ilne by dié foto geskryf.
Gelukwense stroom sedertdien in.
Ilne het bekendheid verwerf toe sy boer Graham Lombard, ʼn melk-en-beesboer van Cradock in die Oos-Kaap, se hart gewen het op die werklikheidsprogram Boer soek ʼn vrou. Dié twee was een van die reeks se gewildste paartjies, maar het in Februarie verlede jaar bevestig hul paadjies het geskei.
Ilne en Wianco het sowat ’n maand gelede verloof geraak waarna Wianco verlede week op Instagram verklap het dat hulle vanjaar oorsee gaan werk.
Die nuwe seisoen van Boer soek ’n vrou word van Donderdag 21 Januarie op kykNET, DStv-kanaal 144, uitgesaai.
Baie baie geluk julle 2. God’s rykste seen wens ek julle toe.
Interessant, die ringe is aan die regterhand