Bok en Hanna se seuntjie word een

samuel-1

(Foto: Instagram/Bok van Blerk)

Die immergewilde sanger Bok van Blerk en sy vrou, Hanna Grobler, het onlangs hul kleinding se eerste verjaarsdag gevier.

Hul seuntjie, Samuel, is op 19 Desember 2016 gebore.

Van Blerk (Louis Pepler), wat bekend is daarvoor dat hy sy gesin uit die kollig hou, het Dinsdag ʼn skattige foto van die blondekopseuntjie op Instagram gedeel. “Jy is die beste ding wat in my hele lewe met my gebeur het!” het Van Blerk geskryf. “Baie geluk met jou eerste verjaarsdag my bul!”

Grobler het oor die naweek ook ʼn kleurvolle foto van Samuel se eerste verjaarsdagpartytjie op Instagram gedeel. Sy het ook nie nagelaat om die organiseerders van die partytjie te bedank nie: “Baie dankie vir ons baba se pragtige Paw Patrol-koek en dekor vir sy eerste verjaarsdag! Julle is amazing!” het Grobler gekoer.

samuel 2

(Foto: Instagram/Hanna Grobler)

Dit is die eerste keer dat die paartjie hul seuntjie se naam bekend maak en ‘n foto van hom deel.

Die egpaar is in Mei 2015 deur diep waters toe hulle eerste seuntjie doodgebore is. Van Blerk en Grobler vier in Maart volgende jaar hul vierde huweliksherdenking.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

7 Kommentare

VanAfrika ·

Baie geluk julle drie, is 22 jaar terug deur dieselfde as julle, my seuntjie is ook vol terme stil gebore. Kan vir niemand beskryf hoe kosbaar dit is om weer so liggaampie in jou arms te hou en mens raak oorbesitlik. Maak nie saak wat mense vir julle se nie, bederf hom net soos julle wil, ek doen dit met my ander twee uitgevrete lummels en vier ook hul verjaardae in oormaat, ek druk en soen hulle voos tot hul ergenis en troetel hulle asof hulle nog my babas is tot ander se vermaak en hul verleentheid☺Maar lief hulle met my hele hart. Ek voel als wat julle voel. God bring weer vrede en vreugde

Sproetjies ·

Sou graag wou sien hoe jongeheer Sameul lyk. Veelsgeluk met sy verjaardag.

Anna Antoniem ·

Baie geluk, Juig saam met julle!! ons het ook n babatjie verloor

Marinda ·

Baie geluk julle 3. Koester hierdie tye. Die tyd vlieg so gou verby. Een van die dae is dit sy 21ste verjaardag. So baie bly vir julle.

joanie ·

Sal so graag daai ou gesiggie wil sien. Baie geluk met sy verjaardag.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.