Corlea breek stilte oor foto

Corlea Botha. (Foto: Francois Olivier Photography via Facebook/Corlea Botha)

Corlea Botha. (Foto: Francois Olivier Photography via Facebook/Corlea Botha)

Corlea Botha, die gewilde Afrikaanse sangeres wat vroeër vandeesweek sosialemedia‑gebruikers en aanhangers geskok het met ʼn foto waar dit blyk dat sy aangerand is, het Donderdagmiddag haar stilte oor dié foto verbreek.

“Hy het belowe hy sal nie weer nie…” het die “Breek my hart”-sangeres by die oorspronklike plasing geskryf. “Miskien moes ek net stilgebly het…” lui dié inskrywing verder.

Sy het Maandag deur haar woordvoerder, Johan C. Venter, laat hoor “dat daar meer in die storie steek as wat Botha op sosiale media verklap het.”

Botha het Donderdag in haar jongste inskrywing op sosiale media gesê sy was voorheen in ʼn verhouding wat deur misbruik gekenmerk is en dat sy haar tyd geneem het om te besluit hoe sy dit wil deel.

“Ná baie oorweging het dit in die vorm van ʼn nuwe lied gekom. Dit is hoekom ek “Bittersoet” by Afrikaans is Groot gesing het laasjaar – dit was die begin van my missie [sic],” het sy geskryf.

Die foto wat Corlea Botha Maandag op sosiale media geplaas het. (Foto: Facebook via Corlea Botha)

Die foto wat Corlea Botha Maandag op sosiale media geplaas het. (Foto: Facebook via Corlea Botha)

Daar was heelwat bespiegeling dat die foto nie eg is nie en dat die blouoog en kneusplekke aan haar nek en skouers grimering is vir ʼn bewusmakingsfoefie, wat hewige kritiek teenoor die sangeres onder sosialemedia‑gebruikers ontlok het.

“Heel eerste, is ek ʼn vrou. Tweedens, is ek ʼn kunstenaar. As ek nie my stem en kuns kan gebruik om bewusmaking te skep rondom ʼn onderwerp waarin ek glo nie, voel dit of ek my doel in die lewe mis,” het sy geskryf.

Sy het bygevoeg dat sy Vrydag ʼn inisiatief van stapel sal stuur om uit te reik na ander vrouens wat hulself in dieselfde situasie bevind of bevind het en hulp aan hulle te bied.

“As ek slegs een vrou se lewe kan aanraak, haar eie waarde en menswees vir haar kan teruggee, sal dit alles die moeite werd wees. Ek het reeds my vryheid teruggewen – ek gun dit vir elke ander persoon!”

Sy het afgesluit deur te sê haar sosialemedia‑profiele kan dopgehou word vir meer inligting.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

105 Kommentare

jongste oudste gewildste
Mags

Jy is baie dapper en ek is trots op jou. Hoop Ander mense sien jou goeie bedoeling raak. Mishandling is n baie groot realiteit vir baie Vroue wat baie hartseer is

Tammy

Die berig se niks!! Was dit grimering of nie.???? Of dalk aandag soek???Dit maak n mens sommer vies, niemand wil in raaisels leef nie.

Rikku

Aandag soek !!!!! Natuurlik

Yolanda

Dankie dat jy so iets met die publiek deel. Daar is so baie vrouens wat deur hul mans mishandel word. Sterkte vorentoe Corlea en moenie jou steur aan negatiewe mense nie. You go girl!!!

Linda

Ek dink Corlea weet hoe baie vroue word mishandel en doen niks daaraan nie omdat hul bang raak om uit hul woning ens geskop te word ! Al word hulle finansieel en emosioneel afgekraak is daar darem nog n dak oor hul kop. Dis nie lekker om in die koue op n sypaadjie of in n veld te slaap nie, vra vir my. Na 2 weke, sell se battery was pap, in die hartjie van die winter, het my suster my op n veld naby my huis gekry, toe het ek longontsteking ! Ek was getroud met n baie bekende… Lees meer »