Demi-Leigh, Tim deel troufoto’s

Demi-Leigh en Tim as man en vrou (Foto: Hanri Human/Instagram)

Die voormalige Suid-Afrikaanse Mej. Heelal Demi-Leigh Nel-Peters en die Amerikaanse bofbalspeler Tim Tebow is getroud.

Dié nuus is deur die Amerikaanse vermaaktydskrif People bevestig. Foto’s van die nuwe egpaar is ook op Instagram gedeel.

Maroela Media het vroeër berig dat Nel-Peters en Tebow die afgelope naweek twee verskillende geleenthede in aanloop tot die troue gehad het saam met vriende en familie van Suid-Afrika én Amerika.

Volgens People het die paartjie op La Paris Estate in Franschhoek voor 260 gaste getrou.

Nel-Peters het in ʼn noupassende wit rok die paadjie afgestap, ʼn rok wat sy by Davids Bridal, ʼn Amerikaanse trourokwinkel, laat maak het. Haar hare was in elegante lae bolla en ʼn lang sluier het teen haar rug afgehang. Tebow het netjies gelyk in ʼn tradisionele swart driestukpak met ʼn strikdas.

Demi-Leigh en Tim as man en vrou (Foto: Hanri Human/Instagram)

Die Suid-Afrikaanse fotograaf Hanri Human, wat al voorheen bekendes soos Nico en Christi Panagio,  Jacque Kallis en Nadia Beukes afgeneem het, het die troufoto’s geneem. Zavion Kotze het die troue, en die vierings vooraf, koördineer.

Tebow het kort ná die troue ʼn foto van hom en sy sprankelende bruid op Instagram gedeel met die onderskrif “Vir altyd”.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
Carel

Voorbladnuus?

toy

Pragtig.

Jessica

Beautiful, but the ring with the big stone stand’s out more than them or the dress.
She will get her finger cut off for that stone.

DS

Gelukkig gaan hulle nie in Suid-Afrika bly nie Jessica so sy het niks om oor te bekommer nie. Pragtige bruid en baie aantreklike bruidegom hulle babas gaan pragtig wees! Baie geluk julle twee.

wielie

Jaaaaaaa en oor n jaar lees ons hoe die twee skei …. hoe groter, duurder en grander die troue ,,,,,,,,, hoe gouer die skei hof :)