Te oordeel na die knewel aan haar ringvinger gaan Anlia van Rensburg, die Getroud met rugby-aktrise en sangeres, binnekort as’t ware “met rugby” getroud wees nadat sy vir Eben Etzebeth die jawoord gegee het.
Die Springbok-slot en voormalige Stormers‑speler het tot onlangs in Toulon in Frankryk rugby gespeel en sluit hom nou by die Haaie aan. Etzebeth het Donderdag, op Van Rensburg se verjaardag, ʼn verloofring aan haar vinger gesteek.
Hulle het in Desember verlede jaar tydens die Kersseisoen bekend gemaak hulle is ʼn paartjie. Dit is egter nie bekend presies hoe lank hulle al in ʼn verhouding is nie.
Etzebeth (30) het twee foto’s van homself en Van Rensburg met seiljagte in die agtergrond geplaas waar sy met die diamantring aan haar vinger spog.
“Die begin van die res van ons lewe. Ek wou nog nooit so graag die jawoord gehoor het nie,” het Etzebeth by die foto’s geskryf.
“Jy het my die gelukkigste mens op die planeet gemaak.”
Van Rensburg het dieselfde twee foto’s op haar Instagram-rekening geplaas.
“Verreweg die beste dag van my lewe. Ek is die gelukkigste vrou op aarde. Dankie dat jy vir my ʼn onvergeetlike verjaardag gegee het. Dit was ʼn heilige oomblik en ek weet nie of ek al ooit so speechless was nie,” het sy gekoer.
Etzebeth het verlede maand aangekondig dat hy weens “persoonlike redes” na Suid-Afrika terugkeer.
Hy sal teen die einde van die huidige Europese seisoen in die swart-en-wit mondering van die Durbaniete te siene wees.
Eks bly vir haar, sy het ‘n rowe paar jaar agter die rug. Mag julle 2 baie gelukkig wees
Nou weet die hele land wat die “persoonlike redes” was! Baie geluk Eben. Anlia is beeldskoon. Mag julle toekoms baie geseënd en propvol liefde en geluk wees. Pragtige paartjie!
Was die verlowing ook in Langebaan….?
Baie geluk julle twee.Mag julle liefde,vreugde en vrede ervaar vir die tyd wat voorlê.
Baie geluk!
Jul is pragtig saam.
So, dis n V-bone steak wat hom terug SA toe gelok het.
Baie geluk Eben en Anlia.