Die ‘Binnelanders’-akteur Reynardt Hugo en sy vrou, An-Mare, word eersdaags ouers. (Foto: Instagram/Reynardt Hugo)
Reynardt Hugo, die Binnelanders-akteur bekend vir sy rol as dr. Tertius Jonker, en sy vrou, An-Mare, word in Julie vanjaar vir die eerste keer ouers.
Die egpaar het die nuus op Instagram gedeel met ʼn foto wat aandui dat “Baba Hugo” in Julie sy of haar opwagting sal maak.
Die geslag van die baba is nie bekend nie.
Hugo, wat ook woeker met ʼn suksesvolle sangloopbaan en onlangs sy eerste boek getiteld Soldaat deur Lux Verbi uitgegee het, en An-Mare is April verlede jaar in Plettenbergbaai in die Tuinroete getroud.
Talle bekendes soos Simoné Pretorius, die sangeres Nádine, die akteur Jacques Adriaanse en Nicholis Louw het die egpaar op sosiale media gelukgewens.
Ok dan, dit is nog ver.
Het julle nie behoorlike nuus wat julle hier kan plaas vir nou nie?
Baie geluk julle.