Foto: Glanspaar se tweeling gebore

Jacques en Angelique by hul tweelingdogtertjies. Foto: Instagram

Die Suid-Afrikaanse aktrise Angelique Gerber Potgieter en haar rugbyspeler-man, Jacques Potgieter, se tweelingdogtertjies is gister gebore.

Jacques het Vrydagoggend ʼn foto op Instagram gedeel en gesê: “Grootste geskenke van bo af. Ons twee prinsesse is perfek. My engel, jy was amazing.”

Die tweeling, Annabella en Olivia, is Donderdag gebore. Angelique het vroeër in die aankondiging dat sy swanger is gesê sy en haar man is baie dankbaar oor dié nuus, selfs al het hulle nie verwag om nege maande ná die geboorte van hul eersteling weer swanger te wees nie.

Angelique en Potgieter is sedert Augustus 2014 in ʼn verhouding en is in Junie 2016 op die Eureka-landgoed buite Durbanville in die Wes-Kaap getroud. Hulle het hulle eersteling, Jacques jr., in November 2016 verwelkom.

Gerber het bekendheid verwerf as die Roemeense boetiek-assistent Clara in die gewilde sepie 7de Laan. Sy was ook onlangs in die fliek Dis koue kos, skat te sien en is ʼn voormalige Boer soek ʼn vrou-aanbieder.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
Susantjie

Baie mooi paartjie!!!! Baie geluk!!!!!

Amanda

Baie dankie dat julle hulle vir ons wys en nie skaam is soos die ander bekendes nie.

Ruby

Ek dink die verpleegsters sukkel om op hulle werk te konsentreer lol.

Baie geluk mamma en pappa, mag hulle die dogters word wat julle en God beplan het.

Gesiggie

Te pragtig… sterkte Mamma en Pappa .. kan dink hoe trots jul moet voel”’

Genieve

Baie geluk vir julle tweetjies