Foto’s: Andriëtte wys haar nuwe pienkvoet

Andriëtte en haar seuntjie Glynn (Foto: Jana Engelbrecht Photography)

Die sangeres Andriëtte Norman (31) het Woensdag pragfoto’s van haar en haar drie weke oue seuntjie, Glynn, op sosiale media gedeel.

Maroela Media het vroeër berig Glynn is op 5 September om 08:31 gebore. Hy het 3,8 kg geweeg by geboorte.

In die ma-en-seun-foto’s hou ʼn stralende Andriëtte vir klein Glynn vas. Andriëtte het by die foto’s geskryf dat dit vir haar ʼn voorreg is om ʼn ma te wees. “Ek voel ryk met my seuns,” het sy geskryf.

Die sangeres en haar man, Glynn Moolman (32), se eersteling, Graham, is in Februarie 2017 gebore. Glynn het ook ʼn agtjarige seuntjie, Nathan, uit ʼn vorige verhouding. Andriëtte en Glynn is op 13 Junie 2015 getroud.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

4 Kommentare

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.