Die sanger en liedjieskrywer Pieter Marcato en sy vrou, Karin Smit, het Dinsdag ʼn babaseuntjie verwelkom.
Marcato is deel van die musiekgroep EON, waarvan die Getroud met rugby-akteur Altus Theart die voorsanger is. Die groep wys deesdae gereeld gesig in dié sepie namate Theart se karakter, Fafa Beltrame, sy nuwe musiekloopbaan ontdek.
Marcato het Woensdag die baba se geboorte op sosiale media aangekondig. “Ons is baie opgewonde om die nuwe lid van ons gesin met julle te deel! Sê hello vir Ilhan Smit,” het hy geskryf.
“Karin Smit, jy is ʼn champion my vrou, jy het so goed gedoen well done 48uur in kraam. #ystervrou [sic].”
Die egpaar het ook ʼn dogtertjie, Amila, wat op 3 Oktober 2019 gebore is. Marcato en sy vrou is op 24 Februarie 2018 getroud.
Marcato het in Mei vanjaar sy jongste enkelsnit, “Ek onthou jou”, uitgereik.
Baie geluk julle.