Mathys Roets en Jané van Litsenborgh. (Foto: Facebook)
Die immergewilde Afrikaanse sanger Mathys Roets het Maandag verloof geraak aan sy jare lange vriendin, Jané van Litsenborgh.
“En toe sê Jané ja!” het die sanger opgewonde op Facebook aangekondig.
Roets se geliefde Jack Russell-hondjie, Asterix, was ook deel van die groot oomblik. “Asterix was die getuie! Verloof met ʼn view naby Memel op die plaas. Kyk hoe mooi!” het hy in sy inskrywing gekoer.
Roets het vroeër aan Maroela Media vertel dit gaan goed met hom en Van Litsenborgh. “Dis wonderlik om saam met iemand te wees wat my ondersteun en my nie met handskoene hanteer nie, maar tog so baie vir my doen. Sy laat my wees, ek laat haar wees, en saam ís ons net,” het hy vertel.
Roets is sedert 2009 aan ʼn rolstoel gekluister nadat hy in ʼn grusame motorfietsongeluk betrokke was op pad na die Klein Karoo Nasionale Kunstefees.
-
- Asterix. (Foto: Facebook)
-
- Van Litsenborgh se ring. (Foto: Instagram)
-
- Van Litsenborgh en Asterix. (Foto: Instagram)
-
- Mathys Roets en Jané van Litsenborgh. (Foto: Facebook)
Veels geluk aan julle twee. Alle voorspoed en iefde vir jul toekoms saam!
mag die geluk met julle wees tot in jul “ou” dae
Dit is die begin van saam wees, geloof hoop en liefde spesiaal met my groot liefde vir j/k Asterix, God bless xx
So bly vir albei. Ware liefde ken geen grense, absoluut geen.
Pragtig! Baie geluk vir julle twee saam toegewens ?
Baie geluk aan julle 3……beste wense en sonskyndae wens ek julle toe…..
Net die allermooiste en allerbeste wense aan julle vir ‘n mooi en voorspoedige toekoms, baie geluk!