Foto’s: Radio Raps en sy donkerkop se groot dag

radio-raps

Rikus en Kaylee de Beer. (Foto: Jolandi Nel/Pixel Pro Photography)

Die huweliksklokkies het op 25 November vir die komediant en televisiepersoonlikheid Rikus de Beer, beter bekend as Radio Raps, gelui.

De Beer en Kaylee (voorheen Van den Bergh), wat hul verlowing kort ná Kersfees verlede jaar bekend gemaak het, het trou aan mekaar beloof by die Harmonie Proteas-proteaplaas in Hartbeesfontein.

Die foto’s is deur Pixel Pro Photography geneem en volgens Albert Bredenhann kon hulle net-net ‘n paar foto’s van die pasgetroude paartjie neem voor dit begin stortreën het.

“Kaylee gaan in Januarie weer haar trourok aantrek vir ‘n paar foto’s, omdat ons regtig net ‘n handjievol op hulle troudag kon neem,” het Bredenhann vertel.

Die paartjie se klere is deur die Suid-Afrikaanse modeontwerper Diaan Daniels gemaak en die troukoek is deur Cocovanilla Foods gebak.

Die paartjie is vroeër vanjaar deur diep waters toe De Beer op 27 Mei in die hospitaal opgeneem is na afloop van sy optrede by Silverstar Casino naby Krugersdorp. Hart-, nier- én longversaking is destyds in die hospitaal by De Beer gediagnoseer, maar sy toestand het intussen merkwaardig verbeter en die komediant het weer teruggekeer verhoog toe.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

CK ·

Pragtige paar. Na die swaar is daar geluk. Mag julle ‘n geseënde huwelik beleef.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.