Cameron van der Burgh en sy bruid, Nefeli. (Foto: Instagram)
Die Suid-Afrikaanse Olimpiese swemkampioen Cameron van der Burgh is Maandag getroud met sy Pretoriase verloofde, Nefeli Valakelis.
Van der Burgh, wat in Mei vanjaar 30 geword het, en Valakelis het by die luukse Ktima 48-oord in Anavyssos in die ooste van Griekeland afgehaak.
Valakelis is van Griekse herkoms en ʼn voormalige prokureur wat tans werksaam is as rekeningbestuurder vir die advertensiemaatskappy Ogilvy & Mather.
Talle bekendes, onder wie Van der Burgh se Olimpiese swemspanmaat Ryk Neethling, die swemmer Chad le Clos en die akteur en entrepreneur Maps Maponyane het die groot dag bygewoon.
Die paartjie. (Foto: Instagram)
“Dis lekker om terug te wees in Athene waar ons drome bewaarheid is,” het Neethling Sondag op Twitter geskryf. “Môre vier ons Cameron en Nefeli se troudag.”
Van der Burgh het ook ʼn troufoto van hom en sy bruid op Instagram gedeel. “Ek stel bekend, meneer en mevrou Van der Burgh,” het hy geskryf.
Die paartjie het in Desember 2016 verloof geraak in Switserland tydens ʼn skivakansie.
-
- Nefeli en Cameron. (Foto: Instagram)
-
- Die seremonie. (Foto: Instagram/Ryk Neethling)
-
- Die seremonie. (Foto: Instagram/Etienne Cassuto)
-
- Die paartjie saam met vriende. Chad le Clos is heel regs. (Foto: Instagram/Etienne Cassuto)
-
- Die seremonie. (Foto: Instagram/Etienne Cassuto)
-
- ‘n Saksofoonspeler het die gaste vermaak. (Foto: Instagram/Etienne Cassuto)
-
- Die onthaal. (Foto: Instagram/Etienne Cassuto)
-
- Die onthaal. (Foto: Instagram/Etienne Cassuto)
Mooi paartjie! Alles van die beste vir hulle. Sou self nie omgee om Gauteng se koue te kon ontsnap na lekker warm Griekeland nie!