Glansegpaar wys hul nuwe pienkvoet

Adam Levine en Behati Prinsloo (Foto: Jason Merrit/Getty Images)

Die wêreldbekende Namibiese model Behati Prinsloo het Donderdag ʼn skattige foto van haar en haar man, die rocker Adam Levine, se nuwe babadogtertjie op Instagram gedeel.

Gio Grace Levine is op 15 Februarie vanjaar gebore.

“Sy het haar pa se tone,” het die model op Instagram gekoer.

Die egpaar is in Julie 2014 getroud. Prinsloo is veral bekend as ʼn onderkleremodel vir Victoria’s Secret en Levine as voorsanger vir die rock-groep Maroon 5.

Die twee se oudste dogter, Dusty Rose, is in September 2016 gebore.

Levine het voorheen skertsend aan die webwerf E!News vertel hy wil “minstens 17” kinders hê. “Ek is baie lief vir kinders,” het hy bygevoeg.

gio gracew

Gio Grace Levine. (Foto: Behati Prinsloo/Instagram)

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.